2018年10月14日星期日

瘋狂的磚頭 (九):昨日大嶼 與 明日大嶼

雖則敝博揶揄「明日大嶼」計劃遠水不能救近火,但敝博立場始終如一:支持任何能增加本港土地供應的措施。就算係我屋苑附近造地填海都一樣支持,甚至今次的山旮旯填個島筆者原則上都支持。

原因是錢根本不是錢,尤其是與美金掛勾的港紙,基本上同陰司紙無乜分別。2008年金融海嘯後,港人乜都無做過,香港政府的儲備已被美國政府強行徵收鑄幣稅,到今日已唔見左一半的購買力。所以,用陰司紙換土地,筆者絕對贊成。

如果博友不明白筆者想說甚麼,請問如果有倒後鏡,讓你決定2008年是否用政府一半儲備去啟動「昨日大嶼」或「昨日大西北」甚至「昨日大東北」去造一個能容納100萬人的新市鎮。如果你的答案是"去馬"的話,即今時今日面對「明日大嶼」或「明日大西北」甚至「明日大東北」,你的答案也一樣應該是要"去馬"。因為未來10年,美國政府同樣也會對香港強行徵收50%鑄幣稅,令我們的政府儲備的購買力大削一半。陰司紙唔用左去,留來給美國政府徵稅嗎?

筆者對填海做地計劃唯一的問題是:普通地由籌劃到見供應都要1015年。填海仲要係人工島,20年見到供應都已經好好了。問題是香港人等唔等到20年。筆者 磚門數讀 (三):202X年政府住宅土儲歸零,已計出202X年政府可能已用哂所有熟地,填海得來的地就當不用20年,15年就能造出房屋供應,到時都已經203X年了。202X203X究竟我地可以住邊度呢?

所以,請各位博友思考一下:如果綠色唔郁得、棕色唔郁得、藍色唔郁得、邊陲唔郁得,你後花園碰不得、我後花園碰不得,海豚屋企碰不得、野豬屋企碰不得、高爾夫球飛來飛去果度想錯你個心,查實邊度得呢?難道大家真的要搬去大灣區嗎?圍插劉華的,真心再問一句:劉華乜都唔理,做個不問世事的陶朱翁不好嗎?做乜叉要出來俾大家圍插呢!世人愛不問世事的陶朱翁,那你愛不愛任內不問世事,唔知做左乜野地出來的曾特?(利申:筆者不是劉華粉絲)


 圖片Source : 蘋果日報


16 則留言:

  1. 嘩,島主技術一流,要點先至可令到諾貝爾獎設立環保獎,跟手再提名你去競逐呢?

    今日可以搶到頭位啦瓜...XD

    回覆刪除
    回覆
    1. 謝謝支持及提名!
      「吹水填海造地」其實並非筆者原創。連曾特在內打後三屆齋講政府已拿下專利。假設諾貝爾日後增設環保獎,齋講政府得獎在望!

      刪除
  2. 沙地! 沙地!
    買沙都400幾億! J 死小子了....

    回覆刪除
    回覆
    1. 雖則小弟不明白為何要在山旮旯位置搞個人工島,但始終有供應好過無供應。不過,依照現在陣勢來說,恐怕齋講政府又再一次齋講做唔島...

      刪除
  3. "......而造出來的土地由於不能在你的BACKYARD,我的BACKYARD,及海豚或野豬的BACKYARD,造出來的土地供應基本上睇唔......" 這句很好笑, 哈哈哈哈!

    回覆刪除
    回覆
    1. 綠色唔郁得、棕色唔郁得、藍色唔郁得、你後花園碰不得、我後花園碰不得,海豚屋企碰不得、野豬屋企碰不得、高爾夫球飛來飛去果度想錯你個心,查實邊度得呢?苦笑...

      BTW, 劉華上演一次萬箭穿心。乜都唔理,做個陶朱翁不好嗎?

      刪除
    2. 等2047, 到時土地話事權在中央, 不到你地小市民阿芝阿左 !

      刪除
    3. 中共幾多人有樓係香港吖.....
      係真又唔拘
      最怕人人發達, 但自己無份

      刪除
    4. Lisa姐,快兄,小弟磚門數讀第三篇,已計到202X年政府已無哂熟地,填海得來的地就當不用20年,15年就能造出供應,到時都已經203X年了。202X到203X我地住邊呀?真係住大灣區咩。。。再苦笑。。。

      刪除
  4. 三兄覺得個吹水人工島真係起唔倒地出嚟?

    我估呢... 呢招其實係聲東擊西嚟! 假設我睇中你屋企個單位, 但你吊高嚟賣, 於是我就提早散播消息: 其實我就快可以係你屋企樓上起多十層樓出嚟, 只要等幾個月後份研究報告出爐, 證明大廈地基夠力承托多十層樓重量, 而大多數業主都同意, 就可以馬上開工架啦! 消息通過隔離三姑六婆, 散播至樓下個看更, 再由看更散播至附近小朋友賓賓街坊... 如是者, 就算你依舊唔肯賣樓, 附近其他街坊都可能突然心動話想賣囉!

    回覆刪除
    回覆
    1. 雲淡兄,本博立場是支持任何能增加土地供應的措施,就算係我屋苑附近起都一樣支持,甚至今次的山旮旯填個島筆者原則上都支持。錢根本不是錢,尤其是與美金掛勾的港紙。同陰司紙無乜分別。08年,港人乜都冇做,已被美國政府食了一半購買力了。用陰司紙換土地,筆者絕對贊成。

      填人工島再起樓當然能增加供應,但普通地由籌劃到見供應都要10~15年。填海仲要係人工島,20年見到供應都已經好好了。問題是香港人等唔等到20年。

      刪除
  5. Fox劇”東方華爾街”內容中, 曾提及政府官員籌措”明日基金”...點知事隔數月,香港就真係來個”明日大嶼”, 真是戲如人生呢!

    回覆刪除
    回覆
    1. 花姐,衞斯理也預示了未來的科技發展。戲如人生大抵是對的!

      刪除
  6. 此留言已被作者移除。

    回覆刪除
  7. 近日反覆思考填海的問題, 開始想改變立場, 由支持變成反對, 理據跟三哥一樣, 不過得出另一個結論。本來抱着大愛的心想為香港好, 花點公帑去發展香港去造地幫助有需要的人, 但近日在網上看到太多負面評論, 什麼陰謀謀都出齊, 心中不其然覚得 "干嘛要花我的錢去幫那些恩將仇報的人!?" 為何5,000亿我份出但我無份得益? 為何我要貼錢買難受?

    回覆刪除
    回覆
    1. 小弟絕對理解斗滿兄的感受。但小弟做不了不問世事的陶朱翁,小弟寧願整理鑽研數據,鋪陳理據,讓有緣人自己作出反思。數據從不會說慌,十年前早已告知甚麼是應該做的事。十年後的今天,已不需再問應不應該,即使去做也許已經太遲。人盡了心力已夠。餘下的,聽天命好了。

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...