2018年10月19日星期五

三人行投資組合 (四):蟹鳥

話說上回講到領隊因應美國中期大選侵帝選情告急,於2018.09.13開始逆向增持前鋒中場,結果增持行動N次中伏,宣告計劃全面失敗,並見證大市越跌越甘。結果,領隊在2018.10.04全面裁減前鋒中場,陣容回復到只有一堆漫無目的在後場游盪的後衞。

雖則筆者有在三人行投資組合()定期更新狀況,秉承輸左就要認的良好傳統,三人行決定另文公開內部會議機密紀錄如下:

領隊 (筆者):長話短說,蟹鳥!


軍醫 (大灣區薄到透光的磚頭幾塊):一早話左你嫁啦!(偷笑中…)
大內密探零零發截圖 SOURCE : 蘋果

領隊 (筆者):你又會無事囉?!?
 圖片SOURCE : 東方ON.CC

球證、旁證、VR裁判兼班主 (老婆大人):無眼睇你地兩個...

三人行內部會議[會後聲明]中提及
迷你倉組合維持"消極知衰"的保守政策
並強調"跌中有彈,彈後即散"的下行風險

前鋒:日本外援 金翅 說再見

中場:日本外援 夏刺 牛市見

後衞:SG REIT / HK REIT組成的悶蛋後衞團

守門員:iShares Barclays USD Asia High Yield Bond Index ETF (Ticker : O9P)

後備球員:唔多理(建行) 吾好(QQ)

教練兼領隊:筆者蟹鳥

軍醫:大灣區薄到透光的磚頭幾塊

球證、旁證、VR裁判兼班主:老婆大人

球隊戰術:10:0:0陣容...  仲問?

觀眾:閣下 (大把人陪你坐艇,笑返下啦!)

點擊前往:

重要風險提示:

請絕對不要抄筆者功課,輸死無命賠!

要抄功課,請仍舊移玉步去筆者偶像風教授個地盤。

<<>>

39 則留言:

  1. 沙發! 請問大灣區呢家的磚頭發光發熱未?升勢應唔錯!

    回覆刪除
    回覆
    1. 快兄,小弟的內地大灣區磚只是薄到透光,租金收入笑死人。掛上大灣區三個字原是自嘲,別無他意。深圳的收租單位由於是鐵路盤剛需上車盤,最近跟經紀談在內地樓市吹淡風之際,仍舊是無升也無跌。租金仍是向上。說明深圳市區細單位仍有一定防守力。

      刪除
  2. 止蝕左已經好好啦。。。跌到好似唔識停咁。。。

    回覆刪除
    回覆
    1. Mike兄,小弟每次見熊總有類似經歷,可惜傷過痛過,仍沒有學精。或者,有些人(小弟)蟹味濃,不太適合所謂的價值投資。哈哈!

      刪除
    2. 我早過你撈,仲未止蝕,自己都懷疑自己係咪變態

      刪除
    3. 又唔可以咁講。Mike兄強於證券債券類資產,早撈自然有相關盤算,與小弟股蟹操作絕對有所區別。小弟的磚類操作也有早撈的先例,但相關的操作都有特殊的盤算。

      刪除
  3. Trump 帝個job approval 又升左不少,點算呀三兄

    回覆刪除
    回覆
    1. 本熊兄,侵帝似乎真係好懂得選戰。希望不會出現最壞情況,即是侵帝贏哂兩院。否則這次可能會有排挨,有排都未見底。

      刪除
    2. 我非常十分懷疑在墨西哥邊界果幾千難民係侵帝比錢請番黎的

      刪除
    3. 侵帝打選戰一流。所以真的只有寄望民主黨能順利贏到眾議院。
      不過話說回頭,小弟從來認為任何發達經濟體都是"又怕痕又怕痛",沒有根治問題的決心與能力。美國政府財赤、歐債風暴、香港土地問題都是一些好例子,相信往後幾十年都會經常聽到同樣的問題。至於貿易戰,小弟相信一觸到美國痛處就很難再持續下去。

      刪除
    4. 因為美帝外來移民開始多, 呢家侵侵係想聯合白人整治非白人, 再闊少少就係聯合美國人整治非美國人, 特別係中國呢D新發財同埋老墨呢D窮親戚

      可見佢目的係造成分化, 跟住搞選票歸邊 (係唔係有D似曾相識?), 只不過似曾相識的政府LIKEY 夾硬來, 而美帝係有無限軍事力量, 無人敢呀支呀左咁解

      那邊箱就可以開行印鈔機去印陰司紙去買取閣下, 閣下全家及閣下全國上下人民的辛勞成果
      實在可恥之極!

      刪除
    5. //可見佢目的係造成分化, 跟住搞選票歸邊 (係唔係有D似曾相識?)
      扁哥哥?

      //那邊箱就可以開行印鈔機去印陰司紙去買取閣下, 閣下全家及閣下全國上下人民的辛勞成果
      生果吹緊美帝收水同貿易戰,樓市跌7成的,順道同中國同香港埋單!信徒認為美帝係好人來的,就算搶奪我地的的辛勞成果都係為我們好的!

      刪除
  4. 場波係咪無限補時?不過領隊好似準備增加軍醫人數,好快反敗為勝。

    回覆刪除
    回覆
    1. 風兄,班主未叫停,央行未停印鈔機,的確無限補時。
      軍醫(磚頭)係懶系同佛系操作支持者,基本上行行企企等運到。但實情調整市,每塊香港薄磚唔見一球是尋常事,只是大家閤埋眼當無事,當成永續收息物。

      刪除
  5. 大灣區磚頭應該頂得住吧, 我同事話佢早左少少入, 而家都仲有2成~~

    回覆刪除
    回覆
    1. 啲人成日驚美資證券行有遺產處理問題,唔知有無諗過大灣區磚頭有同樣問題:
      https://magicianyang.blogspot.com/2018/10/blog-post_20.html

      刪除
    2. 星尼的朋友應該是2015年爆升後入市的。15年一下升左1倍的多的是。小弟對深圳及香港外的大灣區磚查實唔多睇得明。因為好多幾百萬的單位都是租得兩三千蚊,租務回報的一厘幾。

      刪除
    3. 風兄,魔兄篇文真係不可多得的好文章。有位親戚都話之前有試過類似情況,也要全個家族總動員上大陸攪法律文件,先攞得返個物業。。。

      刪除
    4. 所以業主一定要寫個平安紙, 咁下一代人不須太煩 !

      https://investtalk-lisa.blogspot.com/2016/09/blog-post_63.html

      刪除
    5. 前輩所說甚是。有律師朋友說:如果不按遺囑或香港無遺囑者遺產法律規定分配遺產,而是根據家庭協議分配,相關的物業承繼可能要付15%印花稅。即是如果倆佬遺願是將個單位俾只係俾阿囝,但又無立遺囑,就算阿囡話唔要,阿囝可能要為阿囡自動放棄果一半業務,俾15%印花稅俾稅局。可參考以下文章:

      http://hd.stheadline.com/news/columns/879/20180123/640155/

      刪除
    6. 最理想是在生之年可以把物業轉名俾仔或女, 而自己持足夠退休資金 !
      所以在深圳舊樓換新樓時會睇下有無可能轉仔女的名 !

      刪除
    7. 在香港的長命契物業, 可以一早加仔或女的名入去做一份三人長命契, 要俾的稅會少好多 ! 或父子長命契都可以, 但一定要知個仔唔會變逆子, 迫你賣樓 !

      刪除
    8. 在這方面,老人家比後生仔想前很多步。律師朋友不講,我地都唔知原來遺產處置都有一堆學問。但律師朋友有提過香港做的公証,內地政府未必承認,所以公証都可能要中港各做一份。

      刪除
    9. 在香港有D律師是有中國牌的, 要搵呢D律師做 !
      但一定要有香港身份証, 所以手持護照的人一定要在外國做, 就連去大陸都做唔到 !

      刪除
    10. 好彩我同老公當年在大陸買樓是用香港身份証買的, 大約在十年前大陸轉要求一定要用回鄉証或護照, 而用護照買的要賣時或搞換樓會煩到你嘔 !
      又要護照的中文翻釋, 又要証明舊護照同新護照是同一個人, 又要單身或結婚証明 ! 單人名物業可能都要配偶簽名等等 !

      刪除
    11. 所以依家在大陸買樓, 要報上全家人的姓名, 可能為輸入電腦, 將來承繼都好辦的 !

      刪除
    12. 之前都係只要回鄉證同身份證,及單身或結婚証明就能買樓。想不到,為求承繼方便,仲要報上全家的姓名。這些操作真的令人意想不到...

      刪除
    13. 我覺得係為左避免隱瞞資產多於方便繼承

      刪除
    14. 國內防止隱瞞資產應該好難,畢竟上有政策,下有對策...
      曾經見識過大款在限購城市用律師公證去持有物業,從而廻避限購令。

      刪除
    15. 也可能同限購有關 !
      新規定是一家人只可以買一間, 而夫妻合起來只可以買一間, 所以好多人去離婚, 為可以買多間, 而依家規定, 要離婚兩年後才可以買樓 !

      刪除
    16. 為買樓而離婚,真的難以想像!
      為買樓國人真的可以去到好盡。。。

      刪除
    17. 有錢賺的活動, 好多人都想參於, 無錢賺的搵鬼買 !

      刪除
  6. 呢哋市有蟹貨不出奇呢,大家都係咁...捱幾年到下個牛市吧😭

    回覆刪除
    回覆
    1. 花姐太謙了。以花姐的財商財技及財經知識,熊市最多只係賺少幾個百分點,不會像小弟個迷你倉因為不當操作而變蟹。不過,小弟通常輸完股票,就都執到平磚,託央行印鈔機「鴻福」,暫時都力保不失。當然仲未水退,未知結果。。。

      刪除
  7. 呢個時勢蟹左正常丫, 唔係最低點買入的話, 個個都會蟹。點解我咁講!? 因為我都蟹緊 T___T (自我安慰中)

    回覆刪除
    回覆
    1. 斗滿兄,講得好!呢個時勢蟹左正常丫!
      邊有可能升市賺大錢,跌市又唔受傷呢!股神都做唔到啦!
      今天又升返500點了!希望今次不是"跌中有彈,彈後即散"。哈哈!

      刪除
  8. 三兄, 我覺得以踢波嚟講, 無理由落後緊先換走個前鋒...
    定係準備請多幾個軍醫了?

    回覆刪除
    回覆
    1. 俾雲淡兄發現左小弟個[淡市搏大霧]計劃...
      不過撤走前鋒,的確是因為迷你倉中前場球員重傷昏迷,流血不止...

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...