2019年7月17日星期三

井底嘩 (六):為何三人行亂估都準過聯儲局、膠官同財演


由於筆者20192月寫了一篇井底嘩 (三):嚇死寶寶式經濟預測 (附送「反轉腦貧友」珍藏視頻),有老闆谷友建議我來過中場檢討。

筆者心諗要檢討的話,不如來一次曬冷,檢討一下三人行自去年3月開博至今,當眾亂噏的準確度。究竟三人行表現會唔會仲衰過班財演呢?
  

1. 加息縮表

 開博至今,筆者都一直強調加息縮表得啖笑。債台高築的債仔,主動大幅加息俾債主,仲要還返強搶回來的購買力俾美元持有人?咪玩啦!

結果呢?出師表有云:[美帝加息縮表未半,而中道崩殂。今天下三分(美中歐),美洲疲敝,此誠危急存亡之秋也。] 即係點,加息縮表搞到一半,美國央行就頂唔住話要停止縮表,最近仲高喊要減返息添。

查實三人行講加息縮表得啖笑的相關文章多到你隨手執一篇都見到。比較詳細係以下兩篇文章:



2.  港燈
 
2019年三月中,筆者出左篇:毛蟹錄 ():為甚麼港燈不應該大跌,反而應該升返上8蚊,甚至破頂呢?亂咁噏式邏輯分析,並斷估港燈業績公佈後,連跌兩天最7-8%是跌錯。投行班大帝怎樣說?

大行里昂發表研究報告指,港燈在新利潤管制協議下,自今年1月1日起,准許利潤上限亦由9﹒99%下調至8%。而派息指引方面,公司料未來一年將會有20%跌幅,基於其過往估值是獲逾5%的股息率所支持,但今年股息率料跌至約4%,故該行預計港燈股價進一步受壓,維持「沽售」評級,目標價6﹒6元。

結果邊個啱?港燈業績後最低跌到 (除淨前) 7.502019.03.28 港燈更升回業績前的 (除淨前) 8.1X! 5-6月大市跌到阿媽都唔認得,港燈最近卻曾升到8.1(等同除淨前的8.3),完全升穿業績前的 (除淨前) 8.1X,距離破頂只差0.02元。至於里昂點計出6.6,可能你要問下佢先知了。但大戶應該好感激里昂。


3.  中國經濟爆煲論的爆煲

20187月,筆者寫左篇:井底嘩 ():中國經濟爆煲論的爆煲。坊間盛行的中國經濟爆煲論,固然講足30年中國都未爆。執筆之時,距離井底嘩 ()寫作之日大約一年,即係中美貿易戰打足一年,結果中國都仲活得好地地喎,反而美國就陷入衰退邊緣,要先停止縮表,近日甚至要高喊減息自救。

真係激到我啤一聲,毒媒係都要搵樣野去爆下先安樂。但要爆都望住日本先啦。日本央行由2010年開始玩量寬撐股債。截至今年1Q底,日本央行已持有整體日債市場47.05%、逼近推估上限50%ETF則為64.5%,日本央行已為近5成日本上市企業的前10大股東。(1) 有人估算,明年央行仲可能成為日股最大股東,即係全國上市公司間接地國有化。日本玩到咁盡未釘得,中國仲有幾厘息可以減,大把工具未用,經濟會爆,咪玩啦?

得罪講句,全球有邊個主要經濟體的財務情況唔係斷手斷腳,全身癱級別,中國已經算係當中最健康,行得走得果個了。

至於香港呢?明明係世上少有健康正常,仲有巨額財政盈餘的經濟體,港人做乜係都要得閒就咒自己爆煲?這應驗了一個笑話:[人多,僵屍係怪物。僵屍多,人就係怪物。]  

睇少些毒媒啦,香港人!


4. 2019-20 經濟預測

至於2月刊出的井底嘩 (三):嚇死寶寶式經濟預測 (附送「反轉腦貧友」珍藏視頻) 當中的預測,筆者真心估唔到美國居然加多次息都做唔到。其實,當時股神朋友有沙盤推演過,侵侵可能會逼聯儲局減息,以增加同中國打持久戰的能力。筆者當時唔信股神朋友,也估唔到美國經濟轉弱的速度會咁快,結果我錯左。

但該篇文章最最重要的第五點預測,即係 [美股、港股、港樓仍未出現最終煙花位,即是牛三未到],筆者已過兩關。目前,美股、港樓已率先在5月破頂,而且7月頭也再破一次頂。目前只差港股未破頂,但筆者仍舊預估港股最終會破頂。但到體質最弱的港股都破頂,那就很可能就是要同牛三說再見,迎接熊市來臨之時。

請絕對不要再以為筆者係硬好,真係衰退,筆者會講衰退的!


5. 中美貿易戰

至於筆者八篇貿易戰,也是好壞參半,也連累筆者2018年證券迷你倉輸到HiHi。但好在迷你倉規模迷你到得啖笑。

但筆者命中最最重要的一點。美國不具備短期內將中國經濟擊潰的能量,所以最終只是打打談談。筆者現時甚至認為要刪去上面果句的"短期內"三個字。因為時間絕對在中國一方。

不僅在經濟規模、軍事力量亦步亦趨,中國在2016年的研發開支上,已經是世界第二,超過歐盟的總和,直逼美國。即是說,中國將在可見的未來將開始享受科技紅利。而且,經特朗普一攪,中國定必以全國國力發展科研,令中國完善產業鏈,甚至最終走上在科技上自給自足的道路。

至於,中國未來數年將開始在金融保險業等開放市場。這點亦能助中國爭取到一定的開放紅利。當然,市場開放,亦等如國內民企國企利益會受損,是一面雙仞劍,但至少在短中期能有效維持中國的經濟增長勢頭。

當然美國不會齋睇住中國向上爬,必定會使橫手,出毒招。但筆者仍相信中國有力挨過美國的連環攻擊。

結論

最後,筆者寫這篇文章其實不是認叻,而是再三帶出本博最重要的主旨:「聯儲局、央行行長、裁柑官員、投行、財演、毒媒等,全部係演藝界人仕,個個做戲,唔多可靠。信他們,絕對是找死。在投資路上,眼見耳聽都不為準,真相從來只在邏輯思考後才能獲得。」

至於點解這幫威風八面的人咁唔可靠?

再請中國智慧之神諸葛孔明穿越時空到現代,為我們提供答案!


井底嘩:老先生息怒!是咁的。三國時代,這幫人的確尚未出現… (諸葛老先生言論不代表本博立場)

如果是新朋友,可以看看筆者推介的幾篇文章,了解一些非主流,得啖笑的思考角度。

註一
日本市場分析():由BOJ資產負債表觀其寬鬆政策之限制及可持續性
https://www.fubon.com/banking/document/Corporate/Financial_Market/TW/20190610.pdf


後記:有關井底嘩:蛙類,與旅行蛙不同,井底嘩常駐井底,有著一片專屬藍天。井底嘩不會被教授、學者、專家、數據所恫嚇,以無知勝有知,無聊勝有聊的獨特視角去批判被傳媒專家霸權所操控的世界。與有特定出沒時間的恭爸蛙不同,井底蛙不定期出沒,用瘋言瘋語向世界怒嘩,嘩出一篇又一篇廢文!

63 則留言:

  1. //至於香港呢?明明係世上少有健康正常,仲有巨額財政盈餘的經濟體,港人做乜係都要得閒就咒自己爆煲?這應驗了一個笑話:

    香港人係咁架啦.....有小小頭暈身㷫,都覺得即時捽死咁款,係照埋個磁力共震先至安心....

    回覆刪除
    回覆
    1. 香港資訊發達,消息很容易一傳百、百傳萬。

      恰恰大部份市民大眾不了解一些消息,甚至傳媒報導,僅代表一個角度,而非事實的全部,甚至是消息報導的內容都是與事實相反的。

      要了解事實的全部必須看勻左中右傳媒,再自行FACT CHECK。但一般人恐怕沒有這樣的心思,甚至只採取先入為主,結果成為了主流傳媒的目標羊群。

      如果這個博有丁點意義,那意義就是希望讀者:看到任何消息或報導,停一停,諗一諗,再找另一端的角度看看,那你就能FORM到一個較為持平的觀點。

      刪除
  2. 老實講, 三兄無論係大經濟上同資產分析上都係我做決定的重要依據, 好多時決定買唔買野都會諗起三兄

    可能我對三兄已經發展出一種超越Blog 友的感情....

    回覆刪除
    回覆
    1. 王兄,希望你不會因睇我的廢文而輸到HI HI。記住三人行是蟹!

      //可能我對三兄已經發展出一種超越Blog 友的感情....
      -->嚇死寶寶...

      刪除
    2. 睇嚟兩位不單無輸到hihi, 仲贏到hehe....

      刪除
    3. R兄又攞小弟開玩笑。R兄才是大贏家。
      熊市來襲前,煩請R兄提前警示小弟走鬼!

      hehe....
      --> 嚇死寶寶 X 2

      刪除
    4. 我都想贏到hehe呀....打個和咋.....

      熊市來襲前,煩請R兄提前警示小弟走鬼! X2 pls..

      刪除
    5. 王兄,我們互相提醒就是了。

      刪除
  3. 輿論絕對不可靠,香港史上大概沒有一個時代的輿論將年青人捧得那麼高,而呢班年青人正是未歷過衰退(切身經歷過08海嘯的起碼都35+了,不再年青了),佢地鍾意聽支爆港爆,以為爆左就到自己上位,傳媒就真係講佢地啱聽的,結果就係依家大家見到的局面
    不過中美轉勢呢啲百年難得一見ge大變局,睇得通ge人有幾多

    回覆刪除
    回覆
    1. 筆者是八十頭出世的,但經常說自己已經幾十歲人。身體過了三字,思維恐怕已經七老八十。最催人老的最近五年。當你不信政府、不信政客、不信央行、不信專家、不信媒體,每每都要自己分析,自己諗,人自然老幾年。

      若果有年青人不幸誤墜本博,請抽時間睇埋樓下的鑽牛角文章先走。成熟很容易,進步也很容易,只要你不信政府、不信政客、不信央行、不信專家、不信媒體,每每都要自己分析,自己諗,人就成熟,思維就進步了。

      刪除
    2. 原來你大我少少,小弟是80中。

      刪除
    3. 小弟是八十尾,回歸時仲讀緊小學

      刪除
    4. 都說三人行年紀大...

      刪除
  4. 財演高官的確有佢地既目的,佢地既預測當然一笑置之

    回覆刪除
    回覆
    1. 不信財演、高官之餘,最緊要連政客、央行、專家、媒體都不要信。否則中伏的機率高唱入雲。

      刪除
    2. 咁市場上都仲有分享正確信息既「專家」既,問題係先自己有無獨立思考能力去消化姐

      刪除
    3. 獨立思考能力的確非常重要!

      刪除
  5. 個人都幾鍾意鍾意中美雙方打打停停,唔打又點跌(買),唔停又點升(賣)!哈哈!

    回覆刪除
    回覆
    1. 機兄升又贏、跌又贏,令人羨慕!

      刪除
  6. 三兄:從陰謀論睇,近排美金轉弱,除了預期減息外,亦可能同侵侵唔敢郁伊朗有關。畢竟,美金背後的真正力量是美軍,美軍示弱,當然會令美元轉弱了。

    回覆刪除
    回覆
    1. 摩兄,美國仍是世界唯一霸權,至少在未來10年內難以撼動。
      美元、金融是美國的最強大的拳頭,仍是一方獨霸。
      美元轉弱,我會認為是美國操控的結果,多於反影美國軍力減弱。

      刪除
  7. 又一編含金量極高的文章, 可謂字字千金。

    本來香港可以坐着中國增長的順風車一飛沖天, 可惜部分人誤信香港經濟爆破自己可以從中獲利買平貨。其实到時必然信貸收緊, 經濟蕭條, 能夠在此時以平價購入優質資產者, 仍然是他們眼中最痛恨的权貴。

    回覆刪除
    回覆
    1. 買平貨的機會來臨時, 老散99.99999% 都係縮在家中說留番D錢過冬

      正常人只有旺市時跟風才無啦啦發大財....

      其實美國都係好似收保護費的小混混, 收夠錢就會走人, 理你台灣香港一概都能出賣, 要反中實在係無可能.

      中美俄手執核子武器, 與其鷸蚌相爭,漁人得利, 不如齊齊打刧, 將小市民的血汗吸乾吸淨

      刪除
    2. 斗滿兄過獎了。

      //又一編含金量極高的文章, 可謂字字千金。
      --> 不是含菌量高就好了!

      //本來香港可以坐着中國增長的順風車一飛沖天, 可惜部分人誤信香港經濟爆破自己可以從中獲利買平貨。其实到時必然信貸收緊, 經濟蕭條, 能夠在此時以平價購入優質資產者, 仍然是他們眼中最痛恨的权貴。
      --> 2020年美國以至環球經濟出現衰退的機率已高唱入雲。期望洗牌的人,洗牌的時機已經在眼前。問題是你準備好未?

      刪除
    3. 快兄,正確的思維模式決定了投資的成敗。

      //中美俄手執核子武器, 與其鷸蚌相爭,漁人得利, 不如齊齊打刧, 將小市民的血汗吸乾吸淨
      -->美國唔肯同其他人分享權力,要一國獨霸嘛。如果佢肯分享權力,就不會出現那麼多前老二了。

      快兄開始陪90/00睇樓未?

      刪除
    4. 大家都應該有看 杜 sir 嘅黑社會 ,一講雙坐館...專頭就比人揼死左 lu!

      刪除
    5. 唔駛講,這位美國大佬都會自動波會揼你。

      刪除
    6. 2020年美國以至環球經濟出現衰退的機率已高唱入雲。期望洗牌的人,洗牌的時機已經在眼前。問題是你準備好未?
      ===
      有人可能會說, 他們是為了香港所有人去革命, 卻自我犠牲被關進監獄而已, 所以不是沒有準備, 而是他們的付出, 變成了別人的收獲, 是社會欠了他們.

      到出來之後, 時機都錯過了, 連原有的生活都保不住了, 只好繼續怨恨社會不公. 這些不懂事理的人, 永遠都不會說自己沒有準備.

      刪除
    7. 雲淡兄,小弟是盲樂觀,我相信人的思維會進步,差的是一個機會。

      小弟投資路上的轉捩點是2014年,接觸到宋鴻兵等等的資訊。

      所以,我也希望年青人,如果有機會看到這個博,會有機會像小弟一樣改變。

      只要願意改變思維模式,就能找到出路。

      刪除
  8. 真係聽財演/投行講果啲目標價去買賣的話,輸死都只有怨自己蠢啦。投行幾時變左慈善機構出報告黎打救世人(以上言論同樣適用於沽空機構)? 市場上有太多譁眾取寵之士,反正日日預測講廢話(十天線升穿二十天線就好可能形成一個上升局勢;但如果跌破XX 就應該考慮止蝕)無人會去統計,吹個有咁大得咁大的說法,一嘢扑中就成名。外國好多「新債王/新股神」都係咁只係準一次...

    要把自己的錢於進這大賭場,接收消息時能分開事實和推測是基本。但好多人唔會自己用腦諗,而把專家神化(牙醫呢個最好笑)。然後嘛,當然贏就係自己英明,輸就係專家呃X人了...

    回覆刪除
    回覆
    1. //真係聽財演/投行講果啲目標價去買賣的話,輸死都只有怨自己蠢啦。投行幾時變左慈善機構出報告黎打救世人(以上言論同樣適用於沽空機構)? 市場上有太多譁眾取寵之士,反正日日預測講廢話(十天線升穿二十天線就好可能形成一個上升局勢;但如果跌破XX 就應該考慮止蝕)無人會去統計,吹個有咁大得咁大的說法,一嘢扑中就成名。外國好多「新債王/新股神」都係咁只係準一次...
      --> 錯的時鐘每日都會準兩次。

      //當然贏就係自己英明,輸就係專家呃X人了
      --> 大部份人都是這種思維,輸打贏要。

      刪除
  9. 不談想政治, 但焗賭型經濟重臨, 但政府卻是半死不活, 民生問題恐怕會變得更嚴重了... 其實, 數香港各種民生問題, 處處都見世界第一流氓的手影, 憤怒群眾卻視他們為救星, 我真是無法理解!

    回覆刪除
    回覆
    1. 89年至今長期洗腦的結果

      刪除
    2. \\處處都見世界第一流氓的手影\\
      願聞其詳⋯不過過分兩頭,拆民意炸彈本來就係政府既工作之一;拆唔到的話就算推塘為民智未開、外國勢力等等政府也脫不了責任。

      \\89年至今長期洗腦的結果\\
      中共在大量資源下洗左二十年腦都洗唔到,只可以話係自己失敗。
      更何況若非自己經常提供「黑材料」,對家洗腦工程就唔會做得如此成功。

      政治討論到此為止。民生話題,正如三兄上篇留言,大多數政府都係無能為力,加上各範疇都有一批既得利益者,只能自求多福。

      KM

      刪除
    3. 忍唔住講兩句本港政治無問題。我會當睇唔到。

      刪除
    4. //焗賭型經濟
      --> 睇下面條LINK,美國M3張圖,1960年至今,就知一直都係焗賭型經濟。只是美國開始QE後加劇了情況。
      https://fred.stlouisfed.org/series/MABMM301USM189S

      如果有朝一日,美國開始日式QE,即係入市買股票ETF,應該就是制度崩潰日。

      刪除
    5. //民生話題,正如三兄上篇留言,大多數政府都係無能為力,加上各範疇都有一批既得利益者,只能自求多福。
      --> 對!自求多福、自強不息!
      尤其是日日鬧政府無能的人仕,既然明知政府無能,就更應該努力逆境自強。
      靠政府,真係聽乞米!

      刪除
    6. 願聞其詳
      ===
      樓價為何升? 多看三兄文章吧, 世界第一大國率先搞出來的好事也.
      沒何沒樓往, 沒有更多產業? 了解世界第一大國是怎樣令香港政府施政失效吧.
      當然, 除了世界第一大國, 第二, 第三... 等各方強權. 甚至香港所有人也有責任. 但我提出的問題卻只是, 不明白人們怎能視他們為救星而已.

      拆民意炸彈本來就係政府既工作之一
      ===
      人類的其中一個劣根性就是: 喜歡把自己的責任外判, 而不是自我檢討.

      刪除
    7. //人類的其中一個劣根性就是: 喜歡把自己的責任外判, 而不是自我檢討.
      --> 政治不談。但絕對認同上述句子。人性使然,無從改變。小弟對自己,甚至孩子都永遠要求是[自強不息]。有乜野衰左,都是罪在己身,怨不得人。汲取教訓,下次做好些,就是了。

      刪除
  10. 嘩嘩,原來日本央行接近買左半邊日本金融資產,但日經指數仍然半死不活咁... 唯有繼續自己玩自己。

    不同於日本,美帝係靠私人企業回購,收縮市場以推高股價,其實都係做數... 係做缩數。

    只有阿爺仍然有guts 擴容,創科版出爐,以金融支持經濟發展,繼續造大個餅。

    金融市場嘅強弱並不是只看指數水平,只有Trumo Trump 之流才會用創新高説故事,莫非真的大話講得多就會有人信?

    回覆刪除
    回覆
    1. 投票俾佢果班信咪得囉,美式民主,選舉工程做得好的話,連過半數都唔駛都可以夠選舉人票當選

      刪除
    2. //金融市場嘅強弱並不是只看指數水平,只有Trumo Trump 之流才會用創新高説故事,莫非真的大話講得多就會有人信?
      --> 侵侵點會唔知。但知又點,我要連任!
      黃子華三招:搵食啫!犯法呀?我想架?

      刪除
  11. //坊間盛行的中國經濟爆煲論,固然講足30年中國都未爆。

    我會咁同人講,鬼叫你地成日咁「好心」,話晒俾大陸聽佢前面條路有咁多陷阱咩?只要唔儍都唔會踩落去啦!
    嗱!你地唔再咁「好心」提大陸,咪有機會發生支爆囉!

    回覆刪除
    回覆
    1. 有哂 英、德、蘇、日、歐盟咁多前老二的淒慘實例,中國避到地雷,應該係好合理的結果。

      就算經濟出事,齋睇住美歐日點玩QE、點救市,已經大把工具可以攞來用了。

      刪除
  12. 我一直都不相信中國爆煲論,美國是上市公司,中國是家族生意,不需要股東同意便可做任何事。中國絕對能忍受任何陣痛,而事實上中國過去幾十年都係捱出頭來,不同美國,過慣好日子。

    但同樣地,我對中國股市、樓市沒信心,主要是過去一年,看見太多太多的政策國策,大如騰訊,都可以被國策搞到氹氹轉。我對中國的未來敬而遠之,儘管你能再多再發達都好,但利益冇同股民分享,資金進出又有所限既時侯,世界咁多好投資,我點解要擔驚受怕買中國野。

    回覆刪除
    回覆
    1. \\但利益無同股民分享,資金進出又有所限既時候\\
      正正就係香港的最後一點價值。大陸要政治維穩尚且可以理解(雖並不認同),但連股票市場都要維穩,金融訊息又隨時會被定為國家機密的話,開放金融市場似乎是知易行難。

      KM

      刪除
    2. 面對過去一兩年,我在中國股票的慘痛經痛,政策風險之大,我敬而退之。我寧願投資能掌握的,總好過一朝訓醒見倒又有新政治改變營商環境。

      刪除
    3. 多年股蟹經驗,港股買兩電一煤、港鐵、領展、真REIT,好過炒出炒入。基金經理都未必炒得贏中電、煤氣。

      再唔係直接儲新加坡的REIT,閤埋眼買最大市值果幾隻就好。

      不過都係果句:牛三在望,之後大熊仁就會出現。小心小心!

      刪除
    4. 筆者有個理論:

      美國企業[講]社會責任,中國國企[做]社會責任。

      講果個只係出口水,做果個要付出盈利代價。比如:政府要求中國電訊商要減費提速,美國電訊商可以減速提費。

      結果,美國企業當然賺大錢。中國國企要[做]社會責任,賺唔到錢,有負股東,亦是合情合理的結果。

      刪除
    5. 你所說的股票類別,家父已經持倉中,回報跑鸁盈富

      刪除
  13. 八下,究竟有冇人鍾意我結尾POST孔明張圖?筆者太太好喜歡。

    回覆刪除
    回覆
    1. 呢張圖有潛力成為万能Key!哈哈!

      刪除
    2. 在大陸討論區貼吧,很多中國人喜歡貼這張圖

      刪除
    3. 原來小弟老土當時興。呵呵!

      刪除
    4. 我都like唐國強呢張孔明照

      刪除
    5. 唐國強版的三國應該算是集體回憶了!

      刪除
    6. 孔明可能沒說錯, 卻是有點殘酷地道出了事實:
      世上最有能力的人, 的確都是無恥之徒...

      刪除
    7. 這幫人不停錯誤引導群眾,只是為背後的目的服務。

      比如美國總統及一眾財金官員其中一個最大目的,就是維護美元霸權,即是要全球相信美元。要人相信美元的原因,是因為美元本質上與廢紙無異。

      再說白一點一個借全世界錢渡日的國家,根本無可能,亦無準備還債的國家。為何要在過去十年不斷強調要加息,仲要加息到歷史中位數?就是希望債主相信這位債仔,並願意繼續借錢俾佢。

      沿著這個思路去走,可以完滿地解釋到央行、專家、財演的多年來錯到無譜的言論。

      刪除
    8. //孔明張圖

      我比較鍾意袁隆平《還是吃得太飽了》那張表情包!XD
      https://jikipedia.com/definition/613917379

      刪除
    9. 做演員不易,尤其是要控制住不讓表情出賣自己...

      刪除
  14. “美股、港樓已率先在5月破頂”
    近日標準普爾五百都升穿咗3000...真係”快樂”...呀唔係...係”升市不知時日過”~ 太多現金湧入有限資產了。

    回覆刪除
    回覆
    1. 升市不知時日過,牛三過去唔識走,就會俾市場兜巴星。
      花姐熊市之前記得提醒三弟撤退呢!

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...