2019年6月4日星期二

三人行投資組合 (十):2019年5月結 (接貨接不完…)

進入省電模式!務求大家兩分鐘內看完!

月份個人方面,幾經努力,居然俾我買到 Planet CosmoGruffalo DVD俾阿囝睇 

筆者一家仲去左個短途旅行。全家爽歪歪呢!

家事報告完畢

圖片SOURCE : SHOP4HONGKONG


回歸正題,報告一下投資情況:

1. 磚頭投資方面:

筆者繼續佛系收租。國內原本有塊磚完約,由於我地繼續原價平租,租客繼續租下去。即是說,租務上沒有改變。

執筆時,中原城市領先指數CCL最新報189.42點,創歷史新高,按周升0.42%跟大市一樣,筆者幾塊薄到透光的港磚,以大貓銀行的估值計,全數破頂。當然估值很多時都係有價冇市,得啖笑… 在現市況下,按估值賣得出先算啦!

在中美貿戰越演越烈,再加上股市拾級而下,以及逃犯條例的影響下,傳媒已火力全開為樓市大吹淡風。雖則這次升浪似乎很可能已被強加打斷,但樓市改為高位橫行,還是再來多次小型跌浪,全方位一齊跌返一球至球半呢?

欲知後事如何,請留意快兄定期更新的海怡戰報

同門本熊兄也有一篇談樓市的文章香港樓價升完未?(2),請逕自往本熊兄地頭刨文。

2. 證券迷你倉:

整個証券組合(包括所有收息類期權)5月份傷亡慘重,當月回報係負10%。可幸YTD回報仍然正數大約30%。(係... 連筆者自己都唔信居然係+30%... 但個倉咁迷你,回報又係得啖笑...如果扣埋上年輸的,恐怕連笑都笑唔出...)

同月,筆者賣走一些高風險部位,包括僅餘的幾股AMZN。即是已清倉所有美股。

期權組合:經過減持風險期權,5月權金收入(即沒收權金扣除當月權金交易盈虧)為5,900,但卻無可避免地接了72.5-75 中移動、6.5 建行、30 萬科。除左建行,上述全屬衰多手。反而最想接的領展、中電、煤氣、地鐵仲未接到。6月份似乎仲要接一些衰多手的貨

收息類證券組成的長倉組合:因為要預留港股接貨及減少風險的關係,筆者主動減持了部份收息股。由於接貨關係,豆腐潤收息倉本月無奈地加入了中移及萬科但筆者仍然希望盡快用SC送走他們

最後,在漫天峰火的今天,筆者發現了僅有的好消息,就是全兄的恆指沸騰指數已跌至26.1,非常接近[0-25貪婪]級別,主板熱鬧領先指數已到25.9,距離0-15的死寂只有10點左右。即是說,底部在不遠?當然,這個問題最好由指沸騰指數及主板熱鬧指數創立人全兄解答。

全兄恆指沸騰指數/ 主板熱鬧領先指數傳送門

重要風險提示:
請絕對不要抄筆者功課,輸死無命賠! 

點擊前往:
三人行投資組合 (十一):2019年6月結 (證券迷你倉破頂)
三人行投資組合 (十二):2019年7月結 (熊仁提前來襲嗎?!)

22 則留言:

  1. 沙發! 做權的煩處正正係接哂D唔想接的貨番家!

    回覆刪除
  2. 接完同佢鬥長命囉....最緊要D貨真係可以長命百歲

    回覆刪除
    回覆
    1. 衰多手的,都係盡快送走他們比較好。

      刪除
  3. YTD有三成,係股神級架喇,加埋D磚頭不斷破頂,三人兄發過豬頭啦

    我都有留意全兄個指數,已經準備入貨

    回覆刪除
    回覆
    1. 查實,個倉得幾十萬港元,槓完都唔夠一球,賺埋足夠填上年輸的已經偷笑了。

      //我都有留意全兄個指數,已經準備入貨
      -->小弟都有打算開始慢慢儲貨。

      刪除
    2. 考慮緊做唔做埋LC搏反彈,不過真係未玩過,時間定價果D完全無概念

      刪除
    3. 今天大市又蛋散。大市似乎俾足時間MIKE兄考慮用乜工具搏反彈!天助你也!

      刪除
  4. 從這經驗推測,不想要的最好不做和因賺權金要預留資金接貨有機會導致想入的到心儀低位少咗資金用。
    我唔識亦冇做過期權😅😅

    回覆刪除
    回覆
    1. 師姐金石良言也。。。奈何我已衰多手了。。。

      刪除
    2. 三兄不要灰心,你選的紙上後宮佳麗可能好易甩身,巿場先生風向莫測😄

      刪除
    3. 再坐一會,應該能甩身。呵呵!

      刪除
  5. 三兄YNWA,本熊五月就像去賭場,落一舖輸左兩蚊、第二舖輸多四蚊,現在落八蚊去追番果兩蚊,人生最on9 莫過如此🙈

    回覆刪除
    回覆
    1. 本熊兄見慣風浪,一定能化險為夷!加油!

      刪除
  6. 去到呢個位仍賺三成證明三兄入貨timing做得很好 :)

    回覆刪除
    回覆
    1. 用四個字形容小弟證券上多年來的往績:[慘不忍睹]
      用四個字形容小弟證券上本年的成績:[純粹好運]

      刪除
    2. 用四個字形容三兄:「極度謙虛」

      刪除
    3. R兄咪玩我啦...
      用四個字形容小弟:「股壇毛蟹」
      哈哈!

      刪除
  7. 今年YTD有30%,簡直是股神級,三兄也太謙了。

    回覆刪除
    回覆
    1. 風兄,個倉好細。得幾十萬港紙,槓完都未夠一球貨。點同你地以千萬港紙計的大倉呢?
      小弟個倉大部份係今年不跌反升的REIT。再加上,好好彩上年年尾先開倉做SP,所以除衰多手的小部份,其他大部份都係收到權金的。都係果句:純粹好運。

      刪除
  8. 賺三成真是神級👍 三兄要快哋開班教人!

    回覆刪除
    回覆
    1. 花姐,真識講笑。小弟買股一直都係和和果果,無乜錢賺。好在仲識走去儲磚,否則真俾輸通脹同購買力都輸死。

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...