2021年12月20日星期一

貨幣洪流 (十):美帝又(扮)加息,又係唱燒雞翼的時候了 (同場加映:三人行投資組合年結)

事前閱讀:美國聯儲局宣布利率不變 每月減買債300億 料來年加息三次

美帝又()加息,又係唱燒雞翼的時候了

 

正所謂.....

懶咁勁,我懶咁勁

但係你老母講你(個美元霸權)就快釘

越係快釘,所以越要加()多次。如果宜家唔加(),以後無機會再減()…

咁你就快手加

我只係扮哂加

如果我真係咁勁,早就加到你地PKHGC

(本歌最尾一句兒童不宜以英文符號代替…)

 

閣下無看錯,下面果張真係就快釘的人的心電圖。講笑,其實係是美國聯邦儲備局息率FED RATE走勢圖


 

八十年代,美國國力如日中天時,FED RATE曾經去過接近20%,然後隨著國力日衰,FED RATE呈現一浪低於一浪,90年代頂點是大約10%2006FED RATE高到已經只有5.25%,上一次2018加息的高點更經已去到只有2.5% 

這次呢?

如果真係要估,筆者會參考號稱豬柒(G7)發達國家,首席金融革命先行(仙遊)者,率先採用QE政策,並第一個成功仙遊,令全國經濟持續幾十年 [屹立不起],長期領導金融仙人界別的日本,果張的日本央行息率走勢圖。

 

你以為現在日本係零息。你實在太年輕了  其實早已係-0.1%...

尤如八九十歲老人家的體質一樣,經濟越發無力,息率就越彈唔起。所以,當美帝這位老人家不斷地跟你說要再統治世界一百年,又不斷吹噓阿伯的[軟實力],你應該知佢老人家早已軟到硬不起來 除左硬推班諸如LITTLE丸,烏黑男之類的小弟去死果時心腸硬一些之外,應該全身無邊忽硬得起來了。

如果真係硬得起來,美帝就會好像當年打韓戰、越戰咁,捲起衫袖就打啦。點會好似今年咁,俾阿富汗的塔利班用上世紀的陳年裝備打到全線潰敗,裙拉褲甩咁倉皇撤出阿富汗。最終,仲要衰到撤唔到軍,須要央求塔利班配合並安排部隊在機場對美軍作出全方位保護,稱號 [銀河系最強]的美軍 (見下圖) 才能 [體面地] 拋下一眾盟友[成功]撤軍。

 

[上圖是英明神勇的美國隊長撤出阿富汗時在首都機場拍攝的珍貴照片… LOL…  應該係,除非唔係(秋香)…]

那美帝扮加息,對我地既投資有乜切身影響呢?

咁請自己睇返對上次美帝喊加息,香港中原領先指數CCL發生甚麼事。仲要記得睇埋美帝真係象徵式加幾下息後,發生左乜事?

 


筆者目測就係美帝喊加息果時,CCL回一下,之後真加息時就衝上去了,長遠就一條斜線咁向上衝。鬼咩,美帝銀紙日日印,貨幣購買力日日跌,以越來越像廢紙的貨幣計價,有價值的資產的價格,長遠都只能焗住向上。即使美帝扮加息,也只能收到短期效應。

讀者可能會問,咁宇宙最強的美股呢?喂三人行股蟹來的,鬼識咩?你地讀者個個都係股神,你地自己睇圖啦!

 

至於港股

 


同場加映:三人行投資組合年結

 

太太問:今年有冇三人行投資組合年結?

筆者話:寫來做乜呢?咪又係同CCL升勢差唔多,加埋按揭供左D本金,收到少少租,再加埋人工度儲到幾個錢咁囉。

太太:咁加家用啦!

筆者:加左啦!

太太:係咩?!我無數到()… 究竟你一直俾開幾錢的...

筆者:

 
<<完>>
 
貨幣洪流 (十):美帝又(扮)加息,又係唱燒雞翼的時候了

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...