2019年2月22日星期五

井底嘩 (三):嚇死寶寶式經濟預測 (附送「反轉腦貧友」珍藏視頻)

眼見一眾估親都錯的官(包括喊足N年至加到息的聯X局,及喊足N年都加得0.125厘息的柑管局,財政C們)、(演藝界)博士教授專家、(胡亂)評級機構、新舊債王(特聘高級演員?)、乜叉銀行前大班(西餅?)、牙醫之類,仍然估完又錯、錯完再估、估完再錯,繼續英明神武地亂噏廿七,井底嘩決定針對特帝第一個任期最後兩年,以身犯險推出嚇死寶寶式經濟預測。事先聲明,嚇死無命賠呀!



 井底嘩嚇死寶寶式經濟預測如下:

1.         2019年,中美一定就貿戰傾得掂 (嗱!筆者唔係馬後炮。筆者雖則係股蟹但八篇中美貿易戰一直都話美國打唔死中國,最終實要埋枱傾的!要鞭屍的,請去找那班估美國一隻手指捽死中國、中國經濟一定爆煲的專家。)

2.         中國經濟仍舊L型增長,官方保六目標使命必達!點解?中國政府個工具箱大把貨派,增長動力不足的話,用政府財政刺激補夠佢咪掂囉!都唔掂?晌美歐日打過的毒針當中,搵支副作用最少的,啪落去就對了!反正個遊戲就是鬥長命,啪支毒針落去就算係劇毒死得人,都係早早啪落去果個釘先!

3.         美國經濟擴張周期未完,加息周期仍然未完 (別忘記2017年年尾美國通過了1980年以來最大的減稅方案,政府是服了一顆大毒丸去刺激美國經濟,效力只是被中美貿易戰抵消而已。當貿戰有雕,等如中國讓利美國,同美國購入大量產品。而且,美國(自覺)完勝中國,(購物的)自信心完全返哂黎,再加埋原來的減稅效應,咁睇邊可能衰退呢!)

4.         在美國餘下的加息周期中,香港仍舊水浸嚴重,所以港息仍舊只會作「應酬式」上升 (又別忘記,中國政府去年尾被逼放水了。嗱!如果筆者又中,請搵返果班話港息會報復式上升5厘,或者有滯脹的(牙科)專家算帳!)

5.         美股、港股、港樓仍未出現最終煙花位,即是牛三未到 (拉埋本熊兄落水,我地講左N次嫁啦!)

6.         雖則筆者極之唔鍾意特朗普,但筆者估特朗普2020年會成功連任。(筆者一早已經說特朗普做的所有事情的主要目標就是連任。特帝用了整個任期,打破了歷代美帝話事人的大部份慣例,反轉美國及整個世界,這樣怎可能連任不了?就算不能做到美國再次偉大,特朗普成功打掛了全世界,美國人也肯定至少覺得十分爽呢!至於一堆認為特帝寧願不連任也要打掛中國的,到家下,係咪至少要承認一下自己諗錯隔離呢?民主黨班金主,如果同共和黨果班金主完全一樣,點會兩邊泵咁Q多水去打選戰呢?能否爆少陣,用下COMMON SENSE呢?)


本年年尾筆者會另文進行事後評估,自我修理一番。當然,如果筆者同一眾專家一樣錯到無譜,歡迎各位博友年尾前來踏場,盡情嘲笑筆者!

最最重要的一點是,別以為筆者寫出上述與主流預測相距萬丈遠的預測,是希望閣下相信筆者。相反筆者極之希望閣下運用自己的邏輯框架,及知識模塊去反擊筆者的預測,證明筆者的分析及預測錯到無譜。因為在眼下劣化的本地媒體,金主利益目標主導的外媒,及尤如群魔亂舞的網上平台生態三重夾擊下,獨立的思維絕對是我輩安心立命之本。

再多口講一句,中國國際聲望最高的時間正正是08/09年中國決定採取舊四萬億政策的幾個年頭(就如日本接受了廣場協議後一樣)。當時,外媒無不鼓掌,盛讚胡溫政府拯救世界。代價卻是中國用了往後十年,仍無法完全走出因舊四萬億而衍生的債務問題。今天外媒的連番炮轟圍攻,絕不是中國在經濟上走錯路,相反卻走上了一條動了歐美奶酪的道路。做對了,恰恰才是受盡千夫所指的根本原因。



最後,奉送筆者珍藏的「反轉腦貧友」系列,DR. DISGUST的神預測視頻 (應該係卡通,唔係的話,可能係壞Link)!請注意:內容涉及高風險動作,包括山頂入貨、谷底出貨,腦散切勿模仿。模仿者有被玩到反轉,腦貧,甚至腦殘的風險!


最最後,都係果句,睇少些毒果、方向報、施因因、某條街日報!信少些膠官(包括喊足N年至加到息的聯X局,及喊足N年都加得0.125厘息的柑管局,財政C們)、(演藝界)博士教授專家、(胡亂)評級機構、新舊債王(特聘高級演員?)、乜叉銀行前大班(西餅?)、牙醫之類的神預測!當然,也絕不要信井底嘩亂噏一通的毛蟹級預測,否則輸死無命賠也。如果仍舊只係想抄功課的,去邊殊最好呢?你懂的!


點擊前往:
井底嘩 ():中國經濟爆煲論的爆煲
井底嘩 ():中國經濟爆煲論的爆 亂問亂答(債務篇)
井底嘩 ():嚇死寶寶式經濟預測 (附送「反轉腦貧友」珍藏視頻)
井底嘩 ():侵侵關稅突

井底嘩 ():零息負息無限QE就在眼前 / 我們只是代人付鈔的水魚!
 井底嘩 (八):萬用軍刀與開酒器
 井底嘩 (九):香港不知是否台灣的未來 卻似乎成了台灣選舉的資本

後記:有關井底嘩:蛙類,與旅行蛙不同,井底嘩常駐井底,有著一片專屬藍天。井底嘩不會被教授、學者、專家、數據所恫嚇,以無知勝有知,無聊勝有聊的獨特視角去批判被傳媒專家霸權所操控的世界。與有特定出沒時間的恭爸蛙不同,井底蛙不定期出沒,用瘋言瘋語向世界怒嘩,嘩出一篇又一篇廢文!

41 則留言:

  1. 頭位!沙發!
    顧得分析, 唔顧得出擊
    可笑可笑!

    回覆刪除
    回覆
    1. 快兄,小弟覺得有些人內心太多仇恨,很難做到客觀分析。甚至當事情發展與其分析不一樣,這些人都不願修正自已的分析,反正選擇繼續咀咒下去。但這樣既改變不了事實發展的方向,也害慘自己,何苦呢!不如自轉一圈,重新出發好了!

      刪除
  2. 陳得L 總裁原來手持過億物業
    今日睇毒果得知,原來又係推左走右之士
    哈哈!

    回覆刪除
    回覆
    1. 我也早覺得特區高官們, 個個隔住親戚朋友們之類的代理人, 持有大量物業, 難免讓政策為自身利益傾斜, 例如之前派糖退差餉退稅, 也是這樣.

      刪除
    2. 快兄一直強調做甚麼比說甚麼重要。無奈大眾卻迷戀權威的說話,殊不知個個權威都係屁股指揮腦袋,坐邊位置,就講怎樣的鬼話。真話恐怕只留待在家人好友面前才會講。

      刪除
    3. 雲淡兄正解。只有在港無樓的林鄭有動機打樓市,但全港業主及既得利益者,包括有N個單位的膠級公務員系統都在追打林鄭。

      刪除
    4. 打樓市的話, 張司長同一眾膠官唔見幾多個億?
      勿忘佢地已行將就木, 當然有我們的納稅人的血汗錢養佢地百年歸老
      但係會唔會有動機自願身家減3成?

      再者, 土地供應於2022年左右又會有一個斷層, 政府搞咩73公屋比同埋降低入息申請門檻, 就係真係想將有需要的窮人表列出來, 做佢的KPI
      調轉睇, 即係將再多的MARGINAL的家庭趕入樓市, 租/買都好, 又曲綫製造需求

      再睇一睇中聯辦利用特權掃凱滙幾十個單位.......
      呢一刻出手, 有機會買貴, 上幾個月個股市食左屎咁, D業主腳軟平賣你又唔出手, 今天如果連一間都無的話, 真心可以積極考慮就自己BUDGET 買番間

      刪除
    5. 快兄仍舊快人快語。但有些話題,三弟已不想再多言了。反正明的,明了。不明的,再多口講,也只會被對方罵多兩句。央行不饒人。期求世界轉,不如努力點自轉好過啦。

      刪除
    6. 當然又會話係既得利益者云云
      其實我等幾件爛磚, 點夠湯生同埋上一代生性之人一早供滿N間
      當然亦有人選擇唔在香港發展, 唔行舊路等等
      其實無大不妥, 知道自己賭緊咩就可以

      刪除
    7. 千析唔好一個屈尾十去第二個國家買樓, 做番同自己所鄙視的人做埋同一樣野東西
      如果係咁, 大家都係一樣的人, 不用分得那麼細

      刪除
    8. 千析唔好一個屈尾十去第二個國家買樓, 做番同自己所鄙視的人做埋同一樣野東西
      //好多人都會咁做。一邊鬧,一邊去第二度同做一樣野。但橙同蘋果畢竟唔同,分分鐘買中樓花,然後爛尾...最終又係鬧香港政府,逼佢地去海外置業。

      刪除
  3. 話說今朝搭車時用手機留言搶沙發 post左四次都消失左 XD

    睇黎個沙發位係冇我份! 茶客路過

    回覆刪除
    回覆
    1. 井底嘩決定向艾力兄頒發井底榮譽沙發(用沙堆出來,不能坐的),以表揚師兄的努力!

      刪除
  4. 李居明預測, 中美貿昜戰50星期後會解決 !

    又要睇下呢三年, 樓價是否升唔到 ?

    回覆刪除
    回覆
    1. https://www.armstrongeconomics.com/future-forecasts/ecm/the-difference-between-2020-and-2032/

      Martin Amstrong 的預測, 股市還會出現兩個浪頂, 但小心2032年, 到時不是中國爆, 而係歐美市場, 因為印銀紙用債來生活有日要完結 ! 到時可以保財富的資產是risk free assets : 物業, 實金實銀, 生意, 實物股票 ! 小心的是 : 放在人地手上的資產......如果人地唔掂, 你的資金就凍過水 !

      刪除
    2. 當然到時是愈少借貸愈好, 因為機構和銀行唔掂可以追你的欠債, 但就無錢俾返你 ! 呢十幾年, 大家一定要儲 risk free assets, 因為十幾年好快過, 到時想救都救唔到 !

      刪除
    3. 感謝前輩提醒!加槓杆是為了風暴前去槓杆,去槓杆是為了風暴後有力加槓杆!總之常備散貨清單,有風打到就快快走人呢!

      刪除
  5. https://skypost.ulifestyle.com.hk/column/article/2277206/%E9%87%91%E7%AE%A1%E5%B1%80%E9%8C%AF%E4%BC%B0%E5%B8%82%E5%A0%B4%E9%A2%A8%E9%9A%AA%E5%BD%A2%E5%8B%A2%20%E6%94%B6%E7%B7%8A%E6%8C%89%E6%8F%AD%E5%B8%82%E6%B0%91%E9%8C%AF%E5%A4%B1%E8%B2%B7%E6%A8%93%E6%99%82%E6%A9%9F
    美息持續高於港息,近來更擴闊至150點子的近歷史高位。按聯繫滙率制度,理應出現資金由低息港元轉到高息美元,收窄兩幣息差。為何如今似乎失效呢?簡單點說,套戥行動以致息差收窄的主角是銀行,而近年息差長期不收窄的主因有二,也與銀行有關:(1)新的巴塞爾協議3(Basel III)規定銀行進行跨貨幣套戥時要作「逆轉」撥備,增加了套戥成本;(2)2008年國際金融危機後各地引用沃爾克法則(Volcker Rule),它要求銀行大量減少投放在炒賣的資本,管控銀行業承受的風險。當銀行的炒作本錢大幅縮水,它們當然會集中精力於高回報的機會,而不再對一年只有幾十至100多點子回報的港美息套戥有興趣。

    呢段回應了我上次問點解港美息差無法收窄的原因, 說得很好, 借三兄地盤轉貼比大家參考下

    回覆刪除
    回覆
    1. 感謝雲淡兄提供林生的鴻文。小弟受教了!

      刪除
    2. 雖則文章[貨幣洪流(五):缺乏借貸慾望的社會 與 被閹割的金管局]不是完全錯哂,但小弟奉行:[錯就要認,打就要企定!] 已在文章開頭,加入了林生的文章連結。

      刪除
    3. 謝謝雲淡兄提供的資料,原來如此!

      刪除
  6. 這篇文章好鬼好笑🤣,謝分享

    回覆刪除
    回覆
    1. 止凡兄,感謝欣賞。三弟文章通常得啖笑,呵呵!

      刪除
  7. 牙醫表示, 無可能!! 我整左牙咁多年咩蛀牙未見過? 反彈黎JE嚇我唔到GE!!

    回覆刪除
    回覆
    1. 牙醫話:輸到棚牙無埋,都無有怕。裝副假牙,再亂噏過。重點唔係講乜,係做乜。這次咁多水魚,肥仔水了。。。

      刪除
  8. “所以港息仍舊只會作「應酬式」上升 “

    之前香港銀行息口勉強加八分之一厘...真係笑死人😂

    回覆刪除
  9. https://skypost.ulifestyle.com.hk/column/article/2277206/%E9%87%91%E7%AE%A1%E5%B1%80%E9%8C%AF%E4%BC%B0%E5%B8%82%E5%A0%B4%E9%A2%A8%E9%9A%AA%E5%BD%A2%E5%8B%A2%20%E6%94%B6%E7%B7%8A%E6%8C%89%E6%8F%AD%E5%B8%82%E6%B0%91%E9%8C%AF%E5%A4%B1%E8%B2%B7%E6%A8%93%E6%99%82%E6%A9%9F

    金管局錯估市場風險形勢 收緊按揭市民錯失買樓時機--林奮強

    "作為金融中心專家中的專家,擁有全港最大的研究團隊,金管局不可能犯這麼龐大的技術錯誤:10年過去,局方苦盼香港跟隨美國加息,但美國加息9次共225點子(2.25%),本港才只加12.5點子(0.125%),只有美息增加的18分之1,亦即誤差達95%!"

    回覆刪除
    回覆
    1. 花姐,加到8分1厘會否只是避免全錯呢?

      刪除
    2. 米兄,林生果然係最準分析員,與坊間一「流」分析員,高下立見!

      刪除
  10. 謝謝三兄分享自己的預測。

    個人都諗唔倒有咩特別原因會令到中美其中一方希望談判破裂。特帝佢可以用呢個成果黎爭取連任。傾唔成反而會增加未知數,唔知中國會點報復。而,習帝就唔好玩啦,梗係穩穩陣陣保住6,再繼續發展科技超越老美,爭一時之氣係呢個時勢無咩用。

    回覆刪除
    回覆
    1. //美股、港股、港樓仍未出現最終煙花位,即是牛三未到 (拉埋本熊兄落水,我地講左N次嫁啦!)

      真係承你貴言啦。我仲要趁牛市儲多D子彈入市。

      刪除
    2. 中美貿戰的中期結局,的確應該如機兄所言,暫且言和,日後再戰。無奈太多人希望中美打鑊甘,全球陪葬,從而成就他們的幻想,所以才會想出特帝寧願不連任,也要打爆中國的科幻故事。結果又是害己累人。

      刪除
  11. 回覆
    1. 嚴兄,三弟亂噏咪當真呢!汪生準好多,去果邊穩陣些。

      刪除
  12. 多數係肥佬教授的視頻,肥佬教授出名係廢嘅,如果抄出牙醫幾月前的末日預測更加好。
    年底再來看三兄的神預測中了多少,哈哈。

    回覆刪除
    回覆
    1. 肥佬教授的預測倒轉睇100%神準。所以,筆者斷估這位精「鷹」十分有可疑! 背後有否「柑煮」不得而知!
      三弟就算全部估中也是蟹,所以抄功課去邊殊好,你懂的!

      刪除
  13. 三兄啲預測嚇唔死寶寶喔,本熊認為更像睇日曆講邊日係紅日般理所當然:

    1. 貿易戰一定有deal,侵帝已經騎虎難下,佢可以得罪全世界,但唔可以得罪華爾街。
    2. 阿爺玩左樓市保經濟咁多年,玩到自己都知道玩不下去了,咁轉換引擎會玩邊一瓣呢?A股成交量CNY 後升左一倍以上了,是答案嗎?
    3. 美國經濟問題只有一個,就係借唔借到錢洗,近月債息回落主要炒加息進程改變,同聯儲收水打左個大折,但若果再無新錢入市個債息仍然會被推上的,啲長短倒掛越黎越多了。十二月阿爺象徵式增持左少少,要美帝知道有時莊閒唔一定只有佢自己說了算。
    4. 香港唔講啦,再講嚇死寶寳了,大笑。
    5. 牛三㑹隨著貿易戰停火而出現,觀乎一二月市況可能提早上演,現在正正升穿二百五十天缐喔,準備好了嗎?準備好走貨了嗎?本熊知道三兄一直有步署啦。
    6. 在美國金主而言侵帝一定做到野過上任,在於打開中國市場比美資跨國企業入場,所以佢可以連任。

    以上是師兄弟本熊報告,錯左唔好打頭喔。

    回覆刪除
    回覆
    1. 本熊兄跟三弟思維最近,同宗同派,留言講中三弟心中所想,三弟沒有補充。
      至於三弟迷仔倉得果一球香港遊樂場代幣再加堆遠價SP,進又好退又好,都得啖笑。

      刪除
    2. 本熊兄最新文章的角度十分有趣!
      http://wftamalex.blogspot.com/2019/02/blog-post.html?m=1

      以下為三弟留言:
      //本熊兄,今年小弟學會以歷史觀看世事。董生開始執政,以打擊樓市為己任。金融風暴後,以救價為己任,故有孫九招。曾特上台後,主要以減少負資產為任務,一做做到徹底,連土地規劃都唔做,杜絕日後土地供應。所以由1999至2012年梁特上任前,政府都以救價為己任,梁特林鄭政策縱有小變,但歷任政府至林鄭有一點從來沒變,就是以防範亞洲金融風暴(包括銀行壞賬,負資產等)再出現為重要任務。而金管局就是防金融風暴的重要機構。而金融風暴的發生,不在於樓價高,而是銀行與個人的槓杆比率,以及貸款與資產值的佔比。政府及金管局恰如其份的做到了,將全面壓抑借貸,及擠走銀行體系的風險,代價已畫在牆上,但對政府已言任務順利超額完成。缺地,缺樓,高按揭乘數,再加壓測,仲有借貸泡沫嗎?

      刪除
  14. 今年等睇銀行幾時推D高險產品出來!

    回覆刪除
    回覆
    1. IG兄見到記住銀行一堆堆毒品推出來賣時,記得通知三弟走鬼!

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...