2019年是香港極其艱難的一年。在這艱難的年頭，筆者最大的慶幸是我擁有一個十分幸福的家庭、一班即使政見不同但暴動都打唔甩的好兄弟，以及認識了一群充滿睿智的新朋友。
眾所周知，筆者一則平庸，二則不懂套路，所以寫不出雞湯文。但為免忘記了與舊雨新知間的一些精警對話，筆者決定寫返篇雞精文作為留念。
圖片SOURCE :
https://www.zhihu.com/question/21246565
展望2020年，筆者希望所有港人都可以重新上路。雖則筆者已沒有了當初寫作的熱情，甚至連提筆的動力也沒剩下多少，筆者仍然希望重新執起支筆，在紛繁的亂世中，留下人生的一點點足跡。至於寫多寫少，也就隨心隨緣吧！
以下為正文：
1. 想買美股分散風險？美股同港樓其實都是同一條水，名叫[貨幣濫發]。
2. 朋友A：[我驚美國爆煲，再攪出個大熊市。因為CLO、學生貸款、車貸的借貸規模都勁過海嘯。仲有個由企業借錢回購谷出來的超大型的美股泡沫。] 朋友B：[我並不肯定未來仲會有大熊市。面對經濟危機，各國只會一齊QE，未來各國只會有印得多同印得少的分別，跌完始終會[印]返上來。]
3. 成手樓的人通常都有一個共通點，就係一般都好有自知之明，知道自己唔係炒股的材料。
4. 朋友A：[ 世上沒有一個經濟體像香港一樣，每年無限制地引入佔人口總數0.7%以上的新移民及技術移民。]朋友B：[世上更沒有一個經濟體像香港，在這樣的背景下，政府仍然唔多肯造地，市民仍然唔多支持造地。]
5. 中資手上大把港樓、地產商手上大把港樓、高官手上大把港樓。而且，董伯伯當年下台不是因為得罪了無樓階級，而是得罪了有樓階級。那還有誰有動機去整治樓市？
6. 我肯定做唔到TOP SALES。因為我宜家肯定唔會SELL你買保險買基金，恰恰牛三放煙花時，保險基金最易賣。到我覺得最應該買保險買基金的市況低迷期，卻應該無客人肯買。
7. 港人移民後最大的問題係：[無工人姐姐用！] 港人移民前最需要學的技能係：[做家務同通渠！] (一笑)
8. 朋友A：[ “明日大嶼”個project政府肯定賺大錢，唔明點解個個都反對。] 朋友B：[明白貨幣理論的，同知道土地供應斷層的，應該唔係普通香港人。] 朋友C：[ “明日大嶼”已經係唔MAKE SENSE的港府最MAKE
SENSE的房屋政策了。]。朋友D：[其實仲有一個更MAKE SENSE的政策叫公屋封頂，即係將用來起無效率公屋的地，用哂去起綠置居、居屋同私樓。可惜政策未出，已經俾人鬧到縮都縮唔切了。]
9. 別那麼努力工作，早些回家陪小朋友吧。你現在陪他是PRESENT VALUE。未來陪他是FUTURE VALUE，要DISCOUNT的。
10. 做乜鬼怪獸家長。俾心機自己父幹好過啦！現在已經玩到大富翁遊戲中場了，你家下發力已經好遲了。難道要留返俾個囝晌遊戲進入尾聲時先發力咩？
11. 香港一半的問題來自美國印銀紙造成的資產價格問題，另一半來自X哥的地產霸權。恰恰班後生仔在努力爭取美國政府同X哥的支持。而且仲好俾心機咁搵手停口停，做旅遊、酒店同零售的打工仔來做出氣袋。
12. 朋友A：[中資一早已唔請香港畢業生。外資會否也怕了香港畢業生？]
朋友B：[應該不會，別忘了很多支持抗爭活動的都是公司的中層，他們擁有請甚麼人的決定權，高層管不了。] 朋友C：[唔... 其實，下年應該好多公司都會裁員，同無乜HEADCOUNT請人。]
13. 抗爭活動最大的好處係香港人多左FAMILY TIME，同埋發現O唔OT，甚至返唔返工，工作都係做唔完，同埋工作做唔完，公司都係唔會死的。(以上不適用於旅遊、零售、酒店及餐飲業)
14. 朋友A：[我尊重任何政治光譜的人，就算是有份衝有份破壞，我譴責你的行為，但我尊重你是一條漢子，因為你至少有被捕的可能。我最討厭果班叫人衝自己唔衝，叫人罷工自己返工的人！] 朋友B：[其實我好懷疑邊D人累死班後生仔。八萬五又反對、中芯香港建廠又反對，隔離起公屋又反對，填海造地又反對。仲要推班後生仔去衝，自己又唔衝。叫人罷工，自己返工。有些仲要人地去衝，佢地仲晌度享受人生，食米芝連、旅行做SPA。]
朋友A：[有些人日日一堆文宣，其實咁多年來一直係FREE RIDER。成功左有著數，輸左唔係輸佢地。] 朋友B：[我有一個深黃朋友仲好笑，日日話好支持班後生仔。我忍唔住串佢：[咁支持後生仔，記住DISCOUNT租間樓俾後生仔啦。]
然後，佢無聲出。]
15. 朋友A：[其實佢地有冇諗過破壞左交通燈，老人家同傷殘人仕係連街都出唔到的。] 朋友B：[我估佢地無諗過。其實有些人一定要返工。我有長老住院舍。最嚴重果日，有個阿姨用左近十個鐘從深圳果邊返來香港去照顧班老人家。上一代人知道甚麼叫責任。]
16. 朋友A：[我個仔兩歲居然識得講五大訴求同鬧警察。] 朋友B：[你教佢嫁？] 朋友A：[唔係。我諗屋企人都冇。我諗晌PN班學返來。] (一陣沉默) 朋友B：[有冇諗過讀IB?] 朋友A：[我諗無分別。] (又一陣沉默)
17. 朋友A：[我唔明點解有些人咁反對人地買樓。] 朋友B：[係囉！明明得貨幣濫發這條才是永恆的TREND。] 朋友C：[係囉！我地寫文，升市俾人鬧，回調俾人串。]
18. 朋友A：[幾年前，我以極平租租左個單位俾一家三口。當完約時，我想加返些少貼近市價。我原本諗住佢會還價，但一開價，個租客已經話不續租。後來發現原來個租客唔係唔想傾，而係佢只係出得起之前極平果口價。] 朋友B：[極平租即係幾錢？睇下我就唔就到佢。] 朋友A：[8000] 朋友B：[噢... 咁既價，家下劏房都唔知租唔租到...] (講完後，全場一陣淡淡的哀愁)
19. 朋友A：[匯豐個股價好似就死就死咁。究竟儲匯豐點算係價值投資呢？] 朋友B：[係囉！匯豐靠賣資產回購同派股息，賣下賣下仲有乜野剩呢？] 朋友C：[仲有恆生可以賣。] 朋友B：[係喎。賣恆生果時記住提我。]
20. 朋友A：[三兄，幾時寫返文？] 筆者：[其實我只係冬眠，間唔時有出文…]
三兄, 多謝你集合左眾人既睿智
回覆刪除睇到第16點, 我笑左
我倒是悲從中來，黑暴的病毒已去到兩歳都唔放過....
刪除作為家長，筆者的確擔心政治入侵中小學，甚至幼稚園校園內。事實上，除了這單外，筆者也聽過朋友分享其他例子。希望這些都只是個別案例。
刪除／／ 仲有恆生可以賣。
回覆刪除笑左.... 我諗點都唔會賣到依舊寶玉！
無端端沙發左！
原來過左！
刪除補贈足沙「沙發」一台。
刪除AIG當年都被逼賣AIA,所以匯豐有朝一日賣恆生也並不出奇。
真係要俾個 Like, Merry X'mas !!
回覆刪除謝謝支持！
刪除//成手樓的人通常都有一個共通點，就係一般都好有自知之明，知道自己唔係炒股的材料。
回覆刪除真是說到我心坎裏，只是沒有成手樓，而是幾塊薄磚頭。
我都係得幾塊薄到透光的磚頭。呵呵！
刪除看到第氣已經....... 想買美股分散風險？美股同港樓其實都是同一條水，名叫[貨幣濫發]。 多謝...
回覆刪除這段我當時聽到都覺得高汁！
刪除like。支持三哥多啲出文呀～
回覆刪除感謝米兄支持！
刪除超正分享。聖誕及新年快樂！
回覆刪除本文亂噏一通，且得罪人多。
刪除感謝仍舊支持！
//一班即使政見不同但暴動都打唔甩的好兄弟//
回覆刪除羨慕三兄有這樣的一群兄弟，真心想請教三兄可以如何做得到這樣？
因我自己能接受到別人與自己政見不同，但聽到朋友支持禍必及家人、支持打藍絲，仲有刻意散佈假新聞，希望煮死警察，我接受唔到佢哋嘅道德觀，我想割蓆
明白三兄不想觸碰政治話題，如令你難做，三兄不必回覆
//羨慕三兄有這樣的一群兄弟，真心想請教三兄可以如何做得到這樣？
刪除-->即使是政見不同，但兄弟們都是中間偏淺，講道理的人。雖則角度不同，兄弟們都是對年青人的處景十分同情。
坦白說，筆者亦無法與處於光譜極端的人有效溝通。所以我基本上不上FB，遇有深色群組，我會選擇退群。
有道德覌的人一定唔系壞人，將怎么偉大理念凌駕道德的人一定唔系好人。何必委屈自己。
刪除//明白三兄不想觸碰政治話題，如令你難做，三兄不必回覆
刪除-->再回一下讀者甲，這事件後，筆者重新思考過自己過往幾個月以來盡量廻避觸碰政治話題的做法。這也導致筆者在決定冬眠的後期，寫了幾篇強烈批判叫人衝自己唔衝的人的文章。
其實，我們很早已預見了[殺君馬者道旁兒的結局]，遺憾我們沒法阻止，也沒有盡力去阻止。對筆者來說，這是一個莫大的遺憾。
即便筆者不清楚本博的讀者群有沒有年青人，若果我有可能重回六個月前，我會選擇盡微薄之力，多寫幾篇文章，盡力的讓年青人知悉刑責對其往後人生的影響，希望他們在行動前，好好想想自己，及家人。
如果可以重來一次，筆者也希望儘量讓年青人了解儘管他們身邊看似有大量支持他們的人，但在面對刑責時，恐怕只有家人才有可能在他們身邊無條件支持他們。其他大部份人基本上，只是純粹口裡支持，口惠實不至。
謝謝三兄你回覆。你身邊都是溫和的人，實在很難得。我身邊朋友佔卻多數是極端的，但明明六月前他們都不至如此極端，甚至屬溫和，而且我觀察社會上這群人絕非少數，所以這場風波真的很厲害，這亦是令我感到很困擾的地方。我曾說服自己說他們被洗腦，被仇恨蒙敝雙眼才會如此，但他們事實上並非完全受人操控，他們之所以會有禍必及家人之類的想法，是因為他們接受如此的道德觀。所以我真的很難繼續和他們來往，我覺得他們很恐怖。
刪除三兄，我也曾和你有同樣的想法，但身邊深色的人令我發現，人本身就有選擇某種立場的傾向，亦傾向只聽強化他的立場的資訊，真正願意虛懷納諫，聆聽別人意見的人可能只屬少數。當然能夠在早期勸導的話，即使結果未如理想，或者我們至少會少了一個遺憾，可以告訴自己已盡了力。
回匿名兄：是的，你說得對，我也是不想委屈自己，才想割蓆。
回匿名君：我傾向不會從道德角度出發去看待政見不同的人，因為我所接觸光譜不同的淺色人仕的看法都有一定的道理。但我認為無論政見如何，在現階段均不應該再鼓動後生仔及學生作無謂的犠牲。讓後生仔及學生回歸校園好好學習，應該是所有愛護年青人及學生的成年人應該做的事。
刪除回讀者甲，我也有思想極端的朋友。我會選擇退群，但不割蓆，維持線下的活動。當然，我也有一些選擇與我割蓆的深色朋友，那我就控制不來了。
刪除但我傾向相信絕大部份人(包括筆者在內)都是情緒主導，當事件沉靜下來，正常人都會有一定的反思。如果選擇不割蓆的話，至少當他們冷靜下來，仍會有一些理性的傾談對象。
多謝你三兄，我一直感到很困擾，你的說話令我釋懷了些，謝謝你。希望事件沉靜下來的那天不會很遙遠，而我那些朋友亦能有一些反思。和他們的線下接觸我暫時停止了，因不想見面他們談起政治，我沉不住氣，吵架收場，結果關係反而更彊，但WhatsApp 沒有退群，只是沒有再看他們轉發的東西。
刪除難得三兄年青，處事卻很成熟和圓滑，希望繼續看到你對經濟及處世的分享
讀者甲兄，很高興我的話對緩解閣下情緒有丁點作用。
刪除近日，有位親友告訴我他成功讓兒子冷靜下來，重新思考一些社會出現的行為是否過於激進。我的主觀願望是時間會令大部份人冷靜下來。
這段日子我學會了一件事。既然能否勉回跟舊朋友間的情誼不在我們的掌控中。留戀也沒有用，倒不如多認識新朋友。世界比我們原來的想像大得多。
共勉之！
唔同人唔同性格, 而性格決定命運...
回覆刪除有D女人, 見到老公有二奶, 見老公仲識返屋企個個月準時比家用, 可以隻眼開隻眼閉,選擇維持現狀。
又另一D女人, 知道左就算死都追究到底, 一定要老公砍攬再道歉認錯, 哪怕家破人亡。
EL兄的比喻很生動。不過可能女仕們不太喜歡。呵呵！
刪除我只想補充一下，強如世界唯一超霸美國都要與中國及加拿大/墨西哥等經貿對手進行協商及妥協。最終簽出來的北美自由貿易協議，也要讓利予加墨兩國。與中國的首階段協議，看來甚至是不倫不類，唔湯唔水。哪我們還喊[缺一不可]，是否害慘了我們的年青人呢？
三兄這道理 值得男人好好收藏,
刪除他日如果萬一出事, 跟老婆好好協商看看有沒轉灣餘地。(苦笑)
感情，與政治都應該好難講到道理。
刪除祝EL兄聖誕快樂！
是的...感情與政見都難絕對分對與錯,
刪除所以小弟喜歡用人概性格來分類不同政見人仕。
也祝三兄聖誕快樂, 新年進步!
來年有機會, 換件夢寐以求既靚貨!
謝謝EL兄！換貨難度極大。太太已放話，如果真的換唔到樓，就裝修一下阿囝的房間，兩個小孩住一間房好了。
刪除反倒是現在供應端的確是令人憂心忡忡，尤其現屆政府還有沒有政治能量可以在供應端有所作為成了一個極大的問號。2023私樓供應斷崖，在當下香港政治掛帥的香港，應該無乜人會理會了。住得越來越細恐怕是香港人的命運了...
不知三兄是否想三房轉四房
刪除如二房轉三房已大有人在了 (印象三兄住馬記 XD)
http://hk.centanet.com/info/property-news/%e6%96%b0%e8%81%9e%e7%a8%bf/%e9%a6%ac%e9%9e%8d%e5%b1%b1%e6%a5%ad%e4%b8%bb%e6%8f%9b%e6%a8%93-600%e8%90%ac%e5%85%83%e6%b2%bd%e6%96%b0%e6%b8%af%e5%9f%8e2%e6%88%bf%e6%88%b6-%e5%86%8d%e6%96%a5810%e8%90%ac%e5%85%83%e8%b3%bc%e9%9b%85%e5%85%b8%e5%b1%85%e5%a5%973%e6%88%bf%e6%88%b6/91999
EL兄，三弟自住的三房(+工人房)因為之前打通了兩間房做主人房，所以變成了兩房。有了第二個小朋友後，長遠是不夠住的。所以，希望能換到四房。
刪除畢竟小朋友仲細，我們一直是預計有幾年時間去完成換樓大計。但望住2023私樓供應斷崖，同長策會果個十年私樓建屋目標只有12.9萬 (即每年萬三不到)，我絕認為早換，好過遲換。亦在此奉勸一下要換樓的朋友，要小心睇住時間。
註：《長遠房屋策略》2019年周年進度報告
https://www.thb.gov.hk/tc/policy/housing/policy/lths/LTHS_Annual_Progress_Report_2019.pdf
我們會繼續把2020-21至2029-30年度十年期的公私營房屋比例維持在70:30。按此，在總房屋供應目標430 000個單位中，公營房屋供應目標為301 000個單位，私營房屋供應目標為129 000個單位。(筆者按：這個目標做到都OMG，更何況政府建屋目標一般係做唔到的...)
我覺得為政見而絕交的友誼，當事人多年後必定會後悔。
回覆刪除為人處事應求同存異，不用去到太盡。
如果是政見不同，我絕不會因此與人絕交。但價值觀扭曲的人，我情感上已很抗拒，如果不是因為本來是朋友，我一早已對這類人敬而遠之。這好比在工作上遇上為利益可以不擇手段的同事時，大部分人會選擇疏遠而非親近這同事
刪除認同... 政見不同無問題，問題係了解到對方支持暴力，支持私了，真的會敬而遠之！
刪除絕對同意花組的角度！凡事太盡，緣份勢必早盡！
刪除回讀者甲及JACK兄：都係果句"退群，但不割蓆，維持線下的活動。留一點反思的空間給自己及身邊的朋友"。
刪除最緊要係第20個point! 多謝三兄!
回覆刪除多謝R兄支持！
刪除陽光與海灘等緊R兄。再祝生活愉快、聖誕快樂！
最緊要出多D文，第20個POINT係重中之重，X2!
回覆刪除祝三兄聖誕快樂，聖誕鍾，買滙豐? 不了。
每個時代都有有智之士緊貼趨勢，能有一班有智慧的朋友確實難得及可喜，好似有部投資界的ALPHA GO 咁，哈哈!
快兄，都要多點出文，粉絲們等緊快兄教路如何淡市搵筍盤。
刪除如果早點認識快兄，相信小弟投資路上應該走少好多冤枉路！
三兄， 講呢D!
刪除筍盤呢家開始多，亦都有AA打來鋤價呢!
再落多少少可能又手痕發作。
只係有點兒硬頸唔想俾咁多錢我城官員出糧。
//只係有點兒硬頸唔想俾咁多錢我城官員出糧。
刪除-->即使有2023供應斷崖及未來十年長策只預估13萬私樓供應兩個因素，除非個盤真係筍到無朋友，否則15%辣稅應該好難計得掂數...
三兄
回覆刪除看見你那句[世上更沒有一個經濟體像香港，在這樣的背景下，政府仍然唔多肯造地，市民仍然唔多支持造地。]
更感觸,身邊有朋友已婚即將生小孩但還與雙親住在一起。
但佢的立場是反對明日大嶼,理由係唔想益新移民。
即係覺得好反智。
亦希望你多出文去點醒我呢類迷途80後。
Kit
KIT兄所言正正是筆者一向強調香港的社會問題並非單純是政府的問題，而是整個社會的共業。再說白一點，就是全社會都採取零和博奕，甚至是的[魚蛋論]的思維模式。
刪除當你放眼香港各行各業包括地產、酒店、零售、物流、碼頭業，無不是採取[提高售價，在飽和市場賺取超額利潤]的方法，而非[降低成本、降低售價、增強競爭力、造大個餅]，結果是整個社會的成本不停上升，而市場競爭力則不斷下滑。同時地，整個社會所有人，除了擁有壟斷事業的利益階層，基本上都面對著生活質責不斷下滑的向下螺旋。
若果港人不攞脫零和博奕，甚至是[魚蛋論]的思維模式，這種輸家思維將繼續帶領香港步向沉淪。
三兄
刪除十分同意。早前在一間老式西餐廳食晚餐。那侍應無意中久違的一句唔掂拆到掂是我覺得真正的香港精神。可能我地都1我欠缺呢種態度。 國內的拼博精神亦令我十分有危機感。
Kit
Kit兄，風暴始終會過去。重建時就需要像你這些積極的力量。加油！
刪除