2019年3月15日星期五

貨幣洪流 (六):2018年四大經濟體印鈔實況年結 (收水?放少陣都執到了!)

風兄勸喻三弟對寫博一事切勿過份認真。為延長寫作生涯,現進入省電模式,請自行睇圖。

演員們,請用理據說服我,中美歐日四大經濟體有邊個在2018年有減少印銀紙?打少陣嗎,上少陣電,打劫少陣我地班平民,都算是執到了回復到利率正常化?咪玩啦!先回復到正常化槓桿比率再講啦! 

回歸正題:

20181月至20191月尾,中國M2升左8%。最近幾個月,仲要加速添!

 Source : https://tradingeconomics.com

10年圖,中國M2仍舊一支箭咁上。

 Source : https://tradingeconomics.com

20181月至20191月尾,美國M2升左~4%

Source : https://tradingeconomics.com

10年圖,美國M3仍舊一支箭咁上。

 Source : https://tradingeconomics.com

20181月至20191月尾,歐盟M3升左~4%。尾部向下,但歐央行已在3月表明,又要放水了。

Source : https://tradingeconomics.com

10年圖,歐盟 M3仍舊一支箭咁上。

 Source : https://tradingeconomics.com

20181月至20191月尾,日本M3升左~2%。四大經濟體中,日本2018年印錢的速度算係克制了...

Source : https://tradingeconomics.com

但10年圖,日本 M3仍舊一支箭咁上。M3上升軌的角度都無乜變。都係果句,天下烏鴉一樣黑也...

 Source : https://tradingeconomics.com

報告完畢,請自行點算2018年又俾四大經濟體打劫左幾多購買力!

<<完>>

點擊前往:
貨幣洪流 (五):缺乏借貸慾望的社會 與 被閹割的金管局
貨幣洪流 (六):2018年四大經濟體印鈔實況年結 (收水?放少陣都執到了!) 
貨幣洪流 (七):世界緣何走進了經濟困局? (特別鳴謝全兄奉上精彩匯總)  (筆者推介)

33 則留言:

  1. 發現原來世界大戰十年前開始左, 呢場扙叫劫窮濟富大戰

    回覆刪除
    回覆
    1. 下LINK有美國由1960起的M3,條曲線的斜度是越來越大的。即是說,印錢的速度在過去60年是不斷加快的。而且幾乎肯定日後只會以更快的速度去印錢!因為發達國所出現的社會問題,是幾乎無法可解。只能靠打嗎啡去止痛!

      https://fred.stlouisfed.org/series/MABMM301USM189S

      刪除
    2. 突然想到一個可能無關的數學問題
      假設今天有1元, 每年複利增長率5%, 例如10年後的價值就是(1+0.05)^10=1.55, 而x年後的價值就是 1.05^x
      然後, 我在 http://fooplot.com 輸入了一條曲線 1.05^x, 發現初看x=1至 x=6時乍看好像是平坦的, 但zoom out看到 x=60 時就變成了一條向上的大曲線!
      再然後, 我重看三兄的M3供應圖, 設定由Jan 1960至Dec2018, 發現上升幅度雖然沒有複利5%般平均, 但整體趨勢是差不多的
      通過兩圖的比較之中, 我懷疑三兄掉進了一個誤區: M3並不是增長得特別快, 這只是把一旦時間拉長, 在複利疊加之下的出現的正常現象而已, 正如fooplot中的圖一樣, 增長率看似越來越高, 但其實也只是每年5%

      刪除
    3. 我之前計過美國過去60年升47倍,大約是每10年美國M3升0.9倍。
      如果你要計算每年升多少%。的確有可能是每年都是差不多升了同近的百分比。
      但以實質數字算,的確每年印出來的數字是不斷上升的。1960-70以前可能是每年印200-300億,最近十年已是6000-7000億美元了。

      刪除
    4. 很簡單,用log scale 看就一目了然。

      刪除
    5. 很簡單,問R兄,自有答案!呵呵!

      刪除
    6. 其實我搶沙發果句都係R兄在人地blog留言度抄既, 哈

      刪除
  2. 大方向走唔甩...真係講咩都假....

    回覆刪除
  3. 是的, 寫萬9幾字, 換來的TOTAL CLICKS, 等於可以夠寫十幾篇短文了
    三兄的白髮又出多幾條 (唔好甩就OK)

    小子拜服!

    又, 印錢從來無少過, 好似我減肥咁, 吖...無升得咁快, 又當減左...自我感覺良好又去食蝦餃燒賣去了....

    回覆刪除
    回覆
    1. //是的, 寫萬9幾字, 換來的TOTAL CLICKS, 等於可以夠寫十幾篇短文了
      近排有點滄桑...決定寫少些長文。

      //好似我減肥咁, 吖...無升得咁快, 又當減左...自我感覺良好又去食蝦餃燒賣去了....
      央行縮表同三弟減肥一樣。肚腩一直無縮過...

      刪除
  4. 省電模式,以圖代字...嗯,我都要學下,否則有口話人無口話自己。

    回覆刪除
    回覆
    1. 風兄上篇的留言是對的。反正寫博只為自己負責。寫少些,唔校對都冇乜所謂。反正很多文章,在腦袋裡已經想通了。

      刪除
    2. 自己的卜自己搞, 我都成日豬UP, 仲錯字連篇, 都係自娛, 所以我卜好少人睇, 哈哈

      刪除
    3. 我輩寫博,自己財商改善了就好。反正難以討好所有人,也就專注服務好自己就算了。

      刪除
    4. 寫博都係圍爐取暖嘅事,所以如果有人係我博度搞事,我第一時間踢佢走...我話如果。
      自己嘅地盤又唔係法院,盡可主觀、獨裁、小氣...

      刪除
    5. 應該唔駛風兄出手。貴寶號的強大粉絲團會將攪事者扔出會場。

      刪除
  5. 細個乜都唔識,覺得投資是有錢人ge玩意;後來知道多少少,發現已經係一個must了……

    回覆刪除
    回覆
    1. 唔參與投資,等如每年都被各國政府割一忽肉。投資的確是一個MUST!

      刪除
  6. 之前睇唔完(係我自己專注力不足)唔想出空氣回應,今次終於睇得晒喇😄

    回覆刪除
    回覆
    1. 師姐,三弟的文章又長又譖,來來去去三服被,睇唔完跟你的專注力無關。
      日後文章會盡量寫短一點。就算長文,都會斬開兩三篇。

      刪除
  7. 哈哈三兄,以圖代字真是好方法👍👍

    但自從冇咗免費的blogger app後,我在web browser上直接開blogger網頁丶上載多幅圖時,真是頗為困難,因個草稿經常移位!

    回覆刪除
    回覆
    1. 我在web browser上直接開blogger網頁丶上載多幅圖時,真是頗為困難,因個草稿經常移位!

      //花姐的確講出了谷糠博客之痛。草稿經常移位,也經常出現不同字體,文字時大時細。總之FORMATTING亂七八糟就是了。

      刪除
  8. https://www.ecb.europa.eu/press/pr/date/2019/html/ecb.mp190307~7d8a9d2665.en.html 上星期四,歐洲已早美國一步開始QE4

    回覆刪除
    回覆
    1. 央行行長,奧斯卡影帝級演員也。

      刪除
  9. 本熊第一次唱下反調先,M3幾十年都係升升升,但大市十年一次都必定剪下羊毛,咁19/20 點算呀

    回覆刪除
    回覆
    1. 我倆都估牛三未到。幾時到?斷估2019至20兩年間會見到。未衰退已全球大放水,所以經濟續到命的機率仍大。
      剪羊毛就好難講。中美歐都在打國運,必然放水死頂。全部一齊放,美國應該好難剪到有返咁上下份量的國家或地區的羊毛。

      刪除
  10. 本人一直都想收租做退休收入,但2047問題,d樓唔夠30年就續地契年期,到時政府話幾錢就錢,小市民到時點部署呢?請教各位會點做呢?

    kk

    回覆刪除
    回覆
    1. 師兄這個問題屬很多港人的共同問題。小弟會另文用印鈔的另類思路去回答你這個問題。注意三人行是蟹,所以不要旨望回覆有任何參考性及可讀性。

      刪除
    2. 我會從政府維穏角度去睇:當所有大孖沙(以及政府高官)都係揸咁多樓,政府自然唔敢亂收。

      講地契危險性,請睇澳門賭牌做例子。

      刪除
    3. 其實,如果政府存心玩嘢,駛等2047?依家即刻收你30%物業增值稅都得啦

      刪除
    4. 大家似乎對這個三十年後或許發生,又或許不會發生的事十分有興趣。呵呵!

      刪除
    5. 補充下,我是同意米兄的維穩角度,與長兄的政府意圖論。

      刪除

悶文觀止

井底嘩 (七):零息負息無限QE就在眼前 / 我們只是代人付鈔的水魚! (筆者推介)

這篇文章旨在回應懶師姐在其主場召喚筆者,要求確認環球資產價格暴漲的原因是QE。由於這個學術問題,並非一兩句就能解答,筆者在本博另文回覆。 很多人以為 QE 是環球資產價格暴漲的根本原因。這個推演表面上是正確,因為資產價格只是貨幣現象。 貨幣濫發,必然會導致以貨幣計價 ...