三人行投資組合 (二)：騰訊化泥 與 閻王的溫馨提示 (2018.09.13 增持建行)

2018.09.13 UPDATE : 在軍醫全力反對下，領隊增持建行，並將之調回中場，並開始步步為營的撈底動作。軍醫話，你唔係真係信侵侵真係願意同中國重啟談判呀嘛.. 領隊話：侵侵民望下滑，為左中期選舉可以吹噓下戰果，同中國中場休息，似乎是合理之舉。況且，一條用30年時間打造，幾億人參與的供應鏈是否那麼容易被替換？中國替換美豆都無功而還啦。

2018.09.06 UPDATE : 估不到上回34X減持騰訊，到今天已是高位。似乎應驗了：昨天低位，明日高位...  班主與領隊決定要繼續減持坐晌後備席由泥變灰的騰訊，同步相應減持後衛。三人行迷你倉進入全面防守陣勢。軍醫話：老早都叫你靜靜地摺埋早D休息嫁啦... 領隊：*%^#&$@#%@!! 知你鍾意等跌市去撈底買磚了...

筆記按：本來是8月頭寫好，諗住8月尾出文，點知騰訊琴日已化作春泥了。股市既事真係一日都嫌多了。。。

上回講到，在2018.07.31三人行進行了內部會議，決定減持倉裡最大持股前鋒騰訊，增持後衞。騰訊其中一次8月頭做的減持動作是更是在近期底部34X進行，盡顯筆者低位減持的絕頂功夫。減持後，騰訊在倉內的比重已變得很細。經改動後，三人行投資組合，已變成風兄口中的10:0:0純後衞陣式了。

以下為在內部會議中的金句截錄：

軍醫團隊(由大灣區薄到透光的磚頭幾塊組成)：領隊呀領隊，閻羅大王也說不要碰陽間的股票。悶悶地收下租咪好囉，玩咩股票呢。層樓磨下磨下就供滿嫁。阿囝轉眼都三歲啦。供樓三十年，轉多十次眼咪過囉。法子大師話齋：[比武，你打十次輸十次之後，你會知道自己技不如人。投資，你估十次錯十次之後，你還會以為自己英明神武，依然滔滔不絕。] 你自己知自己事，有邊次熊市，你係走得脫呢。不如，靜靜地摺埋一邊休息下。政府廣告都有話：咪倒錢落海啦...

領隊(筆者)：*%/@#$%(&#$*(@W... 你估樓唔跌，已經開始調整啦。。。

電影<<與神同行2>>截圖

SOURCE : http://btt0665.pixnet.net/blog/post/117995094-%E8%88%87%E7%A5%9E%E5%90%8C%E8%A1%8C---%E7%94%9F%E6%AD%BB%E5%AF%A9%E5%88%A4

修正後的三人行投資組合

(黃色為更新部份)

前鋒：等下次牛市再招募吧！
詩云：落紅不是無情物，化作春泥更護花。
淌血中的前鋒騰訊轉眼間，已拿去後備席堆肥去...

中場：全數傷出
(因中美貿易戰，一眾內銀內險內房中場球員全數重傷送院，提早放哂暑假。唯一幸存的939，斷手斷腳，自行碌返去後備席養傷。)

後衞：由SG REIT / HK REIT等組成 ，主要隊員如下：
(基本上係，一群後衞泊漫無目的的哂響龍門口前遊蕩，做人肉盾牌。騰訊減持部位，改持另一重傷股地鐵，同其他REIT。)

領展   (Ticker : 823)  地鐵 (Ticker : 66)
Mapletree 4子 (Tickers : RW0U, M44U, ME8U, N2IU)
Frasers 3子 (Tickers : BUOU, ND8U, J69U)
Ascendas 2子 (Tickers : A17U, Q1P)
Ascott Residence Trust (Ticker : A68U)

守門員：iShares Barclays USD Asia High Yield Bond Index ETF (Ticker : O9P)
(賺息蝕價，以折箭法保護！)

後備球員：騰訊 / 建行 / BABA / DKT / SSWA
(重傷的騰訊 / 建行無謂提，少到無關痛癢的也可以不提)

教練兼領隊：筆者
(筆者升呢為"閃亮的毛蟹級投資者"，成為街邊阿毛，大閘蟹與明燈的混合體)

軍醫：大灣區薄到透光的磚頭幾塊
(幾個軍醫癡癡呆呆，坐埋一台，木木獨獨，一動不動等運到。如有球員重傷需要輸血，對不起，軍醫收到的租金仲未夠俾連自住樓在內的按揭供款，自身難保呢。球員受傷喎？自己去場邊貼塊膠布好入返場啦！)

球證、旁證、VR裁判兼班主：老婆大人
(無上權威，證券組合一旦蝕本，有權隨時宣佈賽事中止，並解散球隊！)

球隊戰術：10：0：0 戰術。講完。。。

觀眾：犬兒
(爸爸，場波好悶呀！同我睇屁屁偵探好冇？)
註：本書好適合小朋友睇呢！有6歲以下的小朋友可以去買本睇下。

目前賽果 (投資收益)：仲問？Give me a break!

戰況預測：個市係咪見底？筆者已成功底部減持，應該近底了。但二萬七係底，還是二萬六係底，定係都係差一個字的一萬七才是底呢？往績告訴我，筆者要投降離場，市況才會見底。但筆者仲未有耐投降喎，似乎仲未見底喎。軍醫大人已經開始鼓吹筆者，趁未輸到入肉，套定現等樓市回調再增持多一塊薄磚呢... 筆者話：等河畔跌一球先去睇都未遲啦。

點擊前往：

三人行投資組合 (一)：901泊大巴陣式絕密曝光

三人行投資組合 (二)：騰訊化泥 與 閻王的溫馨提示 

三人行投資組合 (三)：美帝侵霸王的髮夾灣與保命大戰

三人行投資組合 (四)：蟹鳥

三人行投資組合 (五)：2018年結

三人行投資組合 (六)：2019年1月結

三人行投資組合 (七)：2019年2月結  

三人行投資組合 (八)：2019年3月結

三人行投資組合 (九)：2019年4月結 (首次接貨)

三人行投資組合 (十)：2019年5月結 (接貨接不完…)

三人行投資組合 (十一)：2019年6月結 (證券迷你倉破頂)
三人行投資組合 (十二)：2019年7月結 (熊仁提前來襲嗎？！)

重要風險提示：

請絕對不要抄筆者功課，輸死無命賠！

要抄功課，請仍舊移玉步去筆者偶像風教授個地盤。

<<完>>